晚餐之咖哩豬扒

而家環境好似越嚟越差，所以無咩特別都無出門，今早阿女又要返去公司，準備好早餐比她又再去瞓下，咁啲時間先過得快，老公昨日返咗又要等安排幾時再返，昨天買咗啲菜，魚同肉又食幾日，十點幾同老公食咗簡單早餐又清潔下，上下綱睇下電視，午餐就簡單煮通粉，在家無所事事同老公享受自家制的果占西多加杯蒸餾咖啡，初結婚時放假會在家整嘢食二個人嘆下，自從生咗二個後忙工作忙供樓，原全無咩時間休息，呢個環境令到我哋又好無聊咁喺屋企，回想起沙士我哋二都要每人出去工作，老爺奶奶睇住二個細，而家二老都不在，二個女又大，估唔到輪到我坐，老公話都要習慣下第日退休都可能喺咁，應該唔會一定周圍去，哈哈哈，以為呢個假期可以返學點知呢個疫情取消左，而家真係日日喺到坐，真係希望快啲搞掂可以過返正常，大家努力加油，今晚個個都回來食，咁又要煮一煮，有幾塊豬扒諗住簡單炒洋蔥，阿囡話有樽咖哩喺她喺英國買回來，叫我用嚟煮咁就試咗，味道比較特別有些少酸，辣味唔太濃但餸飯一流個個都喜歡用嚟撈飯，唔食飯的我都要食少少

 下午茶-果占西多配咖啡

 加塊牛油會好味啲

 剛只淨二塊無預整西多，通常用嚟整西多就喜歡切厚啲可以中間切開先搽嘢，但今次太溥只係面搽咗果占

 成塊包放入蛋液浸到全塊都喺蛋

 放入煎pan煎到金黃色就搞掂

呢個蒸餾咖啡壺喺放假或阿囡休息先會用

 午餐簡單的通粉