晚餐之肉鬆豆腐蒸蛋

今日又同老公出去買嘢，喺屋企幾日睇新聞同綱上的資訊，真係多到睇唔完，離離去去都喺個啲，真係好希望快啲過，回想起03年的沙士我哋一樣返工，小朋友都喺停學，但環境無而家咁緊張，都無話要搶呢樣搶果樣，年假前我家附近二間超市都無哂米，近呢幾年都識去超市買菜所以都無特別買定，今年初二9點幾落超市已經無菜，麵真係好誇張，之後就喺無口罩，無消毒藥水，清潔劑，漂白水，總之從未見過超市咁乾淨，去街市最平的生菜買7-8蚊斤都要二十蚊斤，昨晚阿妹話連廁紙都搶搞到買唔到，還影埋超市貨架無哂嘢，我話唔係呀，我自己還有幾卷明天出去睇下，諗住啲嘢都清得差唔多，明天都要買返啲食物同用品，今日同老公食完早餐都未夠十點先去超市真係好桔，米照舊無，麵都喺，真係廁紙同清潔用品咩都無，個收銀好熟還笑我咁遲先嚟當然咩嘢都無，話啲人未開門就已經排哂隊等開門，咁我哋為有搭車落去官塘睇下，原途都睇下啲藥房，真係連廁紙都無，可能又太遲，見到啲人都抽住2抽，咁應該有啦買咗啲菜同魚夠幾日就算，回程時都見到有貨車裝廁紙落貨，有啲人喺到等我哋就再行下，真係好誇張返轉頭啲藥房都所剩無幾，我哋就買咗抽盒裝，啲人話好貴我就唔知價，因為平時喺超市買邊只特價就買邊只，無特別指定邊只，間藥房只淨幾抽tempo買$38，家又無就照買，知呢只貴都唔會特別買，所以唔知價因為無都要買，買咗餸今晚又煮餐好啲，煲咗個木瓜雪耳百合潤肺湯，整咗個中式豬扒，炒咗個雜菇菜同蒸咗個肉鬆豆腐蛋，之前睇過教用一個有孔的蓋就可以蒸出滑滑嫩蛋，今次專登試下，真係蒸出滑滑嫩蛋，搞掂開開心心又開餐

 一條烏頭二食，今晚先半條檸檬蒸，另一半清蒸後留明晚凍食

 蒸出滑滑嫩蛋

材料：蛋3只，豆腐一盒，蒸熟的肉碎半碗，水150ml，芫茜蔥適量
調味：鹽1/4茶匙，糖半茶匙，糊椒粉1茶匙
先將豆腐切細粒後放入碟再加入肉碎，蛋加入水同調味拌勻後倒入碟入面

 水滾後放入蓋上有孔的蓋，再蓋回鑊蓋後蒸15分中

 蒸好後已見到表面好滑嫩

 最後可加入芫茜蔥，豉油同滾油就搞掂