晚餐之肉骨茶湯飯配雞肉釀茄子

而家日日喺屋企無所事事搵嘢搞，之前有個同學去完星加坡買咗手信比我，而家啲朋友，同學或者老師知我喜歡煮嘢食，去邊度玩完都會買手信比我，大部份都喺醬汁，香草，調味料，湯包好多好多，轉咗呢行喺放假先會有時間整下喺咩點用，除咗啲簡單調味料，今次呢個環境令我可以有好多時間去整下，早幾日就用咗阿囡喺英國買返唔的咖哩醬整咗豬扒，今日就煲肉骨茶做湯飯，聽講呢個肉骨茶喺星加坡啲人食早飯時最愛話好有益，跟個包裝喺要配排骨同蒜頭一齊煲，煲好後要加調味先飲得, 而我煲完後覺得已夠味就清清哋就咁加飯食，個味都幾好，跟住炒菜，蒸魚本來用雞柳炒茄子，見有時間就搞下嘢將雞柳整肉餅再釀入茄子好似魚肉釀咁好成功，老公都話好好味

材料：排骨1斤，蒜頭2大粒，肉骨茶1包

先將排骨出水，凍水一齊煲，滾起多1-2分鐘就可以

 凍水一齊煲先會出到汚物

 蒜頭洗淨去衣

 全部材料入煲，煲2個半鐘就飲得

 可以加鹽調味

材料：茄子1條，雞柳2條，蔥1湯匙
調味：鹽1/4茶匙，糖半茶匙，糊椒粉半茶匙，生粉1湯匙，水2湯匙

先將雞柳洗淨切碎放入調味搞勻

打爛有膠質（可用刀啄 ）

 最後加入蔥碎打勻

 將茄子洗淨切細中間介開方便釀入雞肉

茄子想唔變色切好後加鹽水浸一浸就唔會變色

釀好的茄子入鑊時先放有肉的煎就唔會甩

 見到啲肉金黃就可放平煎二邊

 加入些少水

 蓋上蓋煮5分鐘收水

 茄子淋身就搞掂