晚餐之蕃茄煮黃花魚

今早食完豐富的早午餐，整埋麵包明天早餐又喺晚餐時間啦，啲女話約咗人出去唔洗預，點知二個話都喺唔出，以為她們唔係度食就同老公簡單食，點知都喺要煮，呢排多咗買黃花，一次可以買幾條，放喺冰箱，食前早一晚放雪櫃下層，到第二日晚上食就剛剛溶哂雪好方便，放二日都唔怕，好彩放定今晚就有魚，雖然又喺黃花但唔同煮法同配料就煮出唔同味的黃花，咁就唔怕日日都喺黃花啦，今晚就用蕃茄煮其實都係第一次，估唔到啲女都好鍾意又多個選擇，但菜就唔夠得細半個椰菜，早上用嚟炒麵同整丸子，還有個節瓜，咁就加啲蝦乾喺個媽咪送比我，呢只蝦乾好大只好好味再加昨晚淨咗些少冬菇同2只鮑魚切絲炒一炒同焗雞翼又開餐

今晚啲菜食得七七八八，只有只節瓜同細半個椰菜，浸咗幾只之前的媽咪送比我，好大只好鮮味

先將蝦乾浸軟切絲用薑蒜先爆香

加入節瓜炒一炒

最後加入椰菜同粉絲炒勻淋身就食得

黃花魚洗淨配二個蕃茄切細同幾片薑

先將黃花抹乾煎先就唔會周圍彈

煎魚好多媽咪都覺得好麻煩，成屋都有味，可以蓋上蓋就唔會成屋都有味

煎到二邊金黃色

加入薑片同蕃茄

再加些少水煮3-5分鐘左右

最後加入鹽糖試味就搞掂

今日天氣熱，唔洗一個鐘啲包發得好好

發得脹卜卜的包

              搽上蛋汁加啲芝麻同香草

180度焗15分鐘就搞掂