二人晚餐之魚湯刀削麵

咁快又星期六，阿囡喺屋企做嘢就同她一齊食早餐，簡單麵包加多只蛋，午餐煮麵今晚真係得我同老公二個食，啲囡出哂去唔洗食，預咗條魚老公話得二個就唔好煮，是旦食就算，雖然得我哋都要煮，老公早幾日買咗4條盲嘈，昨晚薑蔥蒸，今晚晚唔煮飯咁將條魚起肉，骨就煲湯，魚湯就成日煲比啲媽媽好有益，多奶又可增強抵抗力，今晚就用魚骨去煮過湯底，肉就加入麵一齊食，成個湯真係好好飲雖然只係用骨淆都好好味，快快手手又一餐

 呢條魚好大，起肉都唔難

 先由邊鎅開

 好輕鬆就起哂2邊肉

 將骨煎香2邊加啲薑爆香

 例入凍水

 大火滾先會滾出奶白湯

 半個鐘後就可倒起魚湯去骨

 加入自己喜歡的料就搞掂

 今早食之前整的腸仔包同芝麻包

 呢個芝麻包加咗牛油蒜茸去焗好好味

晚餐之粟子冬菇炆雞翼

今日老公要返工，阿囡就在家工作，昨晚專登浸咗黃豆試下個手動磨豆機，喺咁搞搞咗成朝終於都搞咗煲豆漿，啲囡話好好飲，當然啦全豆無潻加少甜，每人飲2杯我就唔太喜歡只係試咗少少，淨咗杯比老公，只係100g左右的豆就可以整咗成煲豆漿又好味，初唔識用搞好耐，後來知道點想飲隨時可以整嚟飲，午餐煮咗銀針粉啲女最喜歡，二個又話約咗人唔係度食，咁我同老公就試旦食，話咁快老公放工返嚟又買咗好多嘢幾日又唔洗出，點知啲囡話都係明日先出，咁又要煮無準備湯，點囡要飲忌廉湯咁就簡單用咗啲菇加魚柳簡單煲咗個湯，老公好誇張買咗4條盲曹話好抵100蚊，又買咗蝦搞到冰箱又爆咗，今晚就蒸盲曹，今次見啲蝦好新鮮就比啲酒啲蝦飲做醉蝦，又有粟子就整雞翼加冬菇去炆，開開心心又開餐

老公見到豆苗20蚊一斤話好抵，過年後最貴半斤要40,而家正常返所以咁平，今晚加幾粒瑤柱嚟煮全家都喜歡

呢個蝦飲咗酒煮出嚟唔洗點豉油都好好味

材料：粟子半斤，雞翼12只，冬菇4只，薑5-6片，蒜4-5粒，蔥少少

冬菇浸軟切細，粟子去彀去衣，雞翼洗淨開半，先將雞翼入鑊煎香2邊

 加入薑蒜炒香

 炒到薑蒜有香味

 加入冬菇同粟子

 冬菇粟子炒勻後

 加入2湯匙蠔油同水浸過面

 炒勻後蓋上蓋煮15分鐘左右

 差唔多收水就可試味就食得

老公買話100蚊4條好抵，真係幾大條

 午餐銀針粉配豆漿

 加啲椰菜，腸仔同魚餅切條

 終於成功第一次整豆漿

 就係用呢個手動機仔整

 將浸咗成晚的豆放入機口

 不停搞見到有豆水

 機仔細細蘑出嚟都幾幼細

 終於成工搞咗大半煲

 加粒冰糖仔煮滾就飲得

晚餐之咖哩芋頭排骨

家中的菜食得差唔多，本來等明平老公返工先買嘢，喺陶寶買咗嘢包裹又到咗，咁食完早餐就出去，反正出去就去超市睇下，今次終於見到今日好忙出咗去攞個包有米，通知老公等我搞掂完回家放底就再去超市買米，買咗些少餸就去攞包裹，返到去已經忙記咗買米事件，因為而家個環境返到家門口就消毒，個包裹喺門口拆完比老公消毒完再入屋，自己又喺門口噴完消毒酒精入屋洗手再澡涼洗頭全身換，搞掂完先記起忘記買米，又等明天老公放工先買，跟住煮咗麵同老公細女食完休息一下又準備晚餐，今晚又黃花今次入爐焗就算，有礶咖喱醬唔記得買咩送，放到就嚟到期所以要煮咗先順便試下個味得唔得，用咗芋頭同薯仔排骨去煮，啲女唔食芋頭，但老公就好喜歡，薯仔得少少所以就二樣一齊煮，炒菜又開餐

又買咗半只燒鴨回家煮瀨粉，回家用熱水沖沖再入爐焗一焗放涼再斬件食得安心又放心，老公話好抵食，可以食幾餐

材料：排骨1斤，洋蔥半個，薯仔2只，芋頭半斤，咖哩醬一礶，薑片3-4片，蒜3-4粒，冰糖一粒

洋蔥洗淨切細，薯仔同芋頭去皮洗淨切細

 先爆香薑蒜

 加入排骨煎香2邊

 加入芋頭煎煎

 芋頭煎2邊有香味加入薯仔洋蔥炒勻

 炒到洋蔥有香味加入咖哩醬炒勻

 加入水浸過面同一粒冰糖（加冰糖喺可以將肉炆得諗）差唔多收水就搞掂

 最後可灑上蕃茜

 今次簡單搽些少鹽去焗一焗

 超市終於有米上架啦

 同老公簡單的早餐

喺陶寶買咗封口機同啲糖紙

 今晚都急不及待去試呢部機，非常好

 好快就包好哂，好開心