一星期學校午餐

時間過得好快又過咗一個星期，每日這個時候最開心因為完成我重要的工作煮好一餐飯，見到小朋友食得開心，中西老師都滿意，同你講yummy yummy 幾辛苦幾唔開心都會算啦，繼續安排下星期的食譜同食材，總結下今個星期自己煮過啲餸，今個星期煮咗冬瓜火腩，蠔油雞翼，梅菜蒸鯇魚，粟米蘑菇魚柳，洋蔥豬扒，西芹荷蘭豆炒芽菜，楊洲炒飯，薑可樂雞翼，蟹柳洋蔥火腿五香肉丁炒蛋，糖醋骨…唔知喺我煮得好還是咩嘢原因，每次都清哂連湯都無，後來自己醒目留湯喺尾圍，每日都比主任話唔夠肉，以前啲肉無人食，叫我唔好煮咁多，點知已經一人預2只或2件多些少，但話唔夠要預3件，其實好難控制，喜歡食就食多件唔食就會淨好多，現在已煮3樣餸但都話唔夠，唔緊要盡自己能力做，做到繼續唔係就收工