簡單焗洋蔥雞扒

今日喺學校好唔開心，自己差不多想哭出來最後都無只係紅咗眼，學校午餐煮咗冬瓜火腩，粟米蘑菇拌魚柳同肉碎煮旺菜，真係底估咗，3條腩肉煮四斤半冬瓜還有雲耳冬菇等，十一條大魚柳再加8斤半菜，二十幾人食搞到尾圍的餸也要清出再煮，本來講尾圍無餸同主任講唔緊要我哋煮麵，到我哋尾圍食時，主任叫我們開礶頭，我就話煮麵有菜就得，點知有人話有飯唔可以煮麵，咁主任就話煎蛋啦，主任話覺得我煮得唔夠，下次預多啲，真的好難講有時食淨好多要倒，好似今日清哂連湯都無，我真的唔知她們幾時食得多，今日真的好唔開心，有些姐姐還講她們只用湯撈飯，後來才知我煮這些餸是之前未煮過太好食所以當然食得多，而放工時有老師問明天食咩好期待，我先感到安慰
老公放大假買餸，我昨晚又醃咗雞扒，咁放工就直接回家，老公好叻買咗豬肚還識喺飯煲煮好，本來淋住滾豆腐湯，最後就加豆腐變咗豬肚豆腐湯好好飲，簡單切個洋蔥將雞扒先入爐，再去洗菜同整魚，唔世一個鐘又開飯

材料：雞扒3件1，洋蔥1個
醃料 ：酒1湯匙 ，1湯匙豉油，义燒醬2湯匙，糖1茶匙，
             生粉2湯匙

              先將雞扒洗淨加入醃料最少醃3個鐘才入味

 洋蔥去衣洗淨切細件

 洋蔥先放焗盤底

 再放雞扒喺面

 入爐180度焗30分鐘

 30分鐘後

 掃上蜜糖

 再焗十分鐘就食得