咸菜豬肚雞湯飯

今日雖然星期日可以瞓晏啲，最後七點機就起左身，個個都有野做，煮定早餐著叫她們起，而自己又要出老豆到，大老有野做叫我幫手煮多日，咁就出老豆到飲茶再買野上去煮，因為今日又要去探奶奶，飲完茶同老豆洗白白後煮完叫老豆自己夠鐘就食，老人家就好似小朋友一樣要人關心同照顧，同他講今日趕時間煮好放入暖壼，老豆都已九十有多，叫做好叻自己識行識食，但有時又好唔合作，而且都好長氣，講完又講，問完又問，老人家就係咁，家中有老人家的人要將心比己，自己都有老的一天

今晚啲女又話出去食唔想我辛苦，但老公又唔想，睇完奶奶回家就簡單炒個菜，蒸魚同用雪櫃淨啲野去煮個湯飯

 材料: 豬肚湯，雞半只，飯2-3碗

 先滾返起個豬肚

 加入飯煮滾

最後試味加蔥就食得