晚餐之簡單煎豬扒

明日就開學啦今日就好忙，開始要預備小朋友午餐，搞到放工都差啲無時間休息，好彩同事幫手同我拖寫字樓，先有五分鐘時間休息，放工時趕去搭車可惜追唔到，再等下一班返到家已經6：45就無去街市，喺超市是旦買啲，老公最愛簡單煎豬扒話要有蕉蕉地先好味，只要醃時加豉油就可以，但又唔可太大火，如果唔係就燶哂都未熟今次好簡單醃一醃就去煎

材料：豬扒三塊
醃料：薑汁1湯匙，蠔油1湯匙，豉油1湯匙，糖1茶匙，
            生粉2湯匙

 先將豬扒啄鬆一面，邊位界開

 先將醬料撈勻

 放入豬扒撈勻

 醃好的豬扒放入鑊先大火再轉中火

 再煎另一邊

 筷子容易插得入就熟

Xo醬炒腸粉

昨日買咗腸粉今早做早餐，做咗這份工後都係整啲簡單野，麵包，麵等，腸粉就好多時都買唔到，老公就比較喜歡炒而啲女就蒸完喜歡加好多唔同醬，今日早就簡單加Xo醬去炒炒，簡單又好味

材料：腸粉6條，菜幾條，Xo醬1湯匙，豉油1湯匙

先將腸粉入鑊煎

煎好加入Xo醬

加入豉油

加菜

加些少水蓋上蓋

見到菜變深綠就炒勻試味

就食得

學校午餐之素火腿少薯仔

話咁快又星期一，今日又喺Green Monday, 午餐就煮咗素火腿炒薯仔粟米(我都喺，什菇炒西蘭花，最後香辣蕃茄煮炸豆腐，同什果沙律

半熟蛋糕

今晚大女知阿姨來晚餐，就去完街話專登去九龍城買咗個半熟蛋糕回來比我地會試，阿姨好開心，食完飯就喺冰箱攞蛋糕出來，因要解凍二十分才可享用，我就完全唔覺有咩特別，難得個女咁有心，講真我就唔識欣賞，而且無特別感覺好似普通蛋糕一樣，我就唔會比咁多錢去買

阿妹帶來豐富晚餐

今日去完奶奶後回家，昨晚有菜魚無煮，只有三個食就是旦食，點知阿妹今晚走上來，我話只有魚同菜，她就話自己買上來，叫我唔世搞太多野咁就唔理土，炒咗菜蒸咗魚同金沙骨，阿妹就買咗好多，又壽司，豬手，牛扒，炸魷魚竹…搞到簡單晚餐又豐富了

簡易板芒果布甸

時間過得好快又星期六，今早又喺準備咗湯料，煲好後一部份帶去老豆到，今早學校家長日好忙，星期六半日的工作通常都要幫其它姐姐手做，洗玩具，洗課室清場等工作，對我來講比起煮餐飯更辛苦，放工去老豆到飲完茶又一樣同老豆清潔再煮晚餐就回家，今晚返到去雖然老公買咗菜同魚，啲女一個入咗camp, 一個同同學食飯，阿妹就話唔上費事左住我同老公食，只不過喺啲女唔喺度她先唔上，咁老公見我好攰話得我哋唔煮請我落街食，咁就懶一餐啦，食完簡單晚餐回再家都係八點好早，見有時間就整咗個芒果布甸，今次喺試下成功下星期六同學個仔生日做個蛋糕，好成功又唔難，喺度同大家分享

 滑滑布甸好好味，芒果好甜所以剛好唔雖再加糖

 材料：芒果2只，芒啫喱粉3包，蛋4只，大礶花奶1礶，水2杯(450ml)

 先將蛋打勻

 打勻後

 加入花奶

 打勻後會淡色

 將凍水同啫喱粉倒入煲

用中火煮滾

 煮時不停搞

 啫喱粉完全溶解同大滾時就熄火

 將搞好的花奶蛋醬倒入不停搞勻

 芒果起肉切粒放盤底

 倒入搞好的芒果布甸糊

 搞勻

 搞勻入雪櫃雪2～3個鐘就食得