酸辣車哩茄煮青口

今晚放工去街市只喺買左條魚，本來想買啲海鮮但唔太靚又好貴，連瀨尿蝦都要四十幾蚊一斤，最後都係再去超市睇下，買左排骨返去煲個飯就算，點知見到黃花又平$19.9一條又買條放雪櫃，跟住又見青口唔世二十蚊又一包500gram, 又買左2包買吓又多啲，唉女人就係咁，回家就立即淋吓點煮青口，用玫瑰煲用家中有材料，今次只係用左車哩茄，青瓜，洋蔥同指天椒加鹽糖，估唔到煮出來酸酸辣辣配青瓜好清新好好味

 材料: 青口2包，車哩茄1碗，洋蔥半個，青瓜1條，
           紅蘿蔔半條，指天椒1只，蒜茸1湯匙，酒1湯匙

 

先將青口洗淨刷洗外殼，青瓜，洋蔥，指天椒，紅蘿蔔洗淨切粒，車哩茄洗淨

 先將洋蔥，蒜茸同指天椒放入煲炒香

 炒到有香味加入半茶匙鹽同1湯匙糖

 加入紅蘿蔔炒

 再加入車哩茄

 炒勻後加入青口

 蓋上蓋煮3分鐘

 炒勻沿邊倒入酒

 炒勻加入青瓜

 炒勻試味就食得

用玫瑰煲整芝士餐肉炒油麵

昨晚食得太豐富，今晚個大女又有節目唔返來食，只有我地三個細女提議炒粉麵，咁放工又去街市走一轉，買唔到河粉只有油麵再買芽菜就回家，記得家中有礶芝士午餐肉加多只青椒同干蔥簡單一齊炒，再滾多個菜湯，簡簡單單又一餐

材料: 油麵1斤, 芽菜半斤, 青椒1只, 芝士餐肉1礶, 干蔥2粒, 
          蔥些少, 薑片2-3片(芽菜用)
調味: 老抽1湯匙, 蠔油1湯匙, 糖半茶匙

洗淨芽菜, 青椒洗淨切條, 干蔥去衣洗淨切片, 蔥洗淨切絲
午餐肉切條, 油麵用食用水沖洗(可以減去油份)

先將芽菜同薑片入煲烘乾(可以去減水份同唔會有嗅青味)

芽菜軟身就可先回碟, 水唔要

原煲加入干蔥爆香

干蔥有香味就加入餐肉

平放煎煎會更香

餐肉2邊金黃就加入油麵

炒勻加入青椒

炒勻就加入調味料

上炒勻再加回芽菜

炒勻試味最後放入蔥就食得

興祝生日在百樂酒店

今晚終於大家都有時間出去食buffet同我興生日，家姐，姐夫，細妹同大哥都得閒就一齊出去順便預祝大哥5月初的生日，好開心剛巧今天又喺自己的舊曆，喜歡人多的我過了一個好愉快的晚上，今次餐廳食物水準又提升了，只喺甜品少左而且差左, 好失望一心只想食甜品的細女, 還有半只芝士焗龍蝦，味道就一般，姐夫話食長腳蟹鮮甜美味過這龍蝦，又有椰汁燕窩都好足料，還有鮑魚響螺燉湯，唔飲湯的老公都覺得好清甜飲左2盅，姐夫就話啲蠔好肥美大只都食左十幾只好勁，我就最愛咖啡有四種口味非常好, 還有Movenpick雪糕, 因有優惠卷唔世三百蚊, 姐夫同家姐話好底, 最後還送上生日蛋糕, 雖然細細地, 我同阿妹好開心, 啲女又唱生日歌過左一個愉快的晚上

女兒遲來的生日禮物

最近女兒忙考試同做project趕工課，所以我生日她們趕不及買野，話搞掂哂先，對我嚟講她們送給我的咭已經好開心，今早女兒又給我一個驚喜送個新耳筒是生日禮物，個耳筒好靚可以搞大細聲又可直接按制聽電話原來好貴，好失禮咁大個女第一次擁有一個咁貴的耳筒，平時只會買幾十蚊聽到就得，對我嚟講用得就可以無謂浪費，剛巧今日又喺我的舊曆，所以好開心，基本上舊曆唔會興祝，但因她們之前好忙，講話出去食buffet, 但時間都安排唔到，細女今日就考完哂試，大女又趕完，大家都得閒就book左今晚出去食，自己才發現剛好是舊曆生日，收到禮物時好開心順便同她們講，大家又同我講生日快樂，一早就有個開心的開始，所以立即都同大家分享

Le 心型燉中

今日好開心女兒終於有時間同我去攞這件禮物，這是寫blog的禮物，開心的是自己無淋過有份帶它回家，心情興奮筆墨難以形容，好多謝生活易給我的驚喜，多謝哂，開心到立即同大家分享我的喜悅

用玫瑰煲簡單焗南乳鴨

昨晚買左只鴨預先用左南乳醬醃好整醬燒鴨，今日放工只買菜同魚就可回家，焗鴨時間比較長才會熟同可以焗脆啲皮，返到家才記得老公book左睇醫生，放工回來食完飯先出去，咁就一返去淋住立即焗但又怕時間唔夠，最後都喺明火用玫瑰煲去整，整出來都好好味，只係皮唔太脆，個個食到唔停口，老公都話好好味下次再整

材料: 鴨一只
醃料: 1湯匙酒, 1/4茶匙鹽, 老抽1湯匙, 南乳醬3湯匙, 
          豆板醬1茶匙, 糖3湯匙
先將鴨洗淨取走內臟用剪刀剪開中間

沬乾水先用酒搽勻全身再用鹽搽勻才加入其它醃料

搽勻全身最少醃3個鐘才入味, 醃過夜就更好

將鴨用插入竹簽定位煮或焗時就平均

醬鴨平放入煲面向上, 倒入醃料的汁

用細火(2點火)先煮30分鐘

30分鐘後先用筷子容易插入無血水就熟

返轉背部開爐將鴨面煎到金黃就搞掂

(唔需加油, 因本身鴨會出油同有些少汁, 一定要中細火)

煎到自己喜歡的

放涼後才容易斬件

斬好的鴨

可配入車哩茄或青瓜拌碟