晚餐之咸菜芽菜炒雞腎

今日唔洗返學，又喺煮早餐整午餐盒，搞掂個個出哂門就洗衫，清潔下，溫下書打下機，午餐自己煮碗麵食完又Hea下到四點幾開始眼瞓就出去街市行下，超市睇下記得帶包咸菜就買咗芽菜，見到啲雞腎有幾好就買咗返去炒，今晚無啦啦奶奶入咗醫院咁買完就去睇下，睇完返家就煮定等她們回，大女回來見到就好開心，因好耐無食，老公都好鍾意食但剛無只大牙就話唔想比我食呀，無啦啦我唔食得先煮，我哋就叫他用另一邊，哈哈哈，下星期之後就可能更加無得食因另一只下星期要除掉，早前買左二只蘿白，估唔到黑哂只有少少食得用來煮淨左三文魚骨，炒菜又食得啦

材料：芽菜半斤，咸菜1包，雞腎$20，洋蔥半個，甘荀半條，薑6-7片，蔥些少

洋蔥去皮切絲，咸菜洗淨切絲加入半茶匙糖撈勻就唔會太咸，甘荀去皮洗淨切絲，蔥洗淨切絲

雞腎洗淨，黃色的污物都要清理，洗乾淨後加豉油糖同生粉先撈勻

 先爆洋蔥有香味

 加入雞腎炒勻灑入1湯匙酒，會增加香味

 加咸菜同些少水炒

 炒熟雞腎就加芽菜同甘荀

 炒勻試味加蔥就搞掂