晚餐之壽司，冷麵

今日返第二日講餵母乳要注意事項，嬰兒常見的疾病.....等，每人教法都唔同，哩個老師令我回想起讀中學時上中文課時的情景，老師叫我們將課文由頭讀一次再講解課文，再分享自己或她人的，再問有咩問題後又再講第二課，明天第三日最後一堂同考試就讀完啦，休息一日就準備星期一的實習試，好緊張希望到時唔好緊張同順利完成考試，時間好快又放學，今晚老公去飲，啲女話帶我出去食好嘢，最後大女買壽司回家，因細女喺學校回唔知幾點，咁喺家食就最好，我就整定冷麵同炒咗個翠瓜茄子，再沖咗上次女兒同學喺韓國送的米茶，女兒好開心好似食全日本嘢，傾下講下又一餐

 蒜茸炒翠瓜茄子

 柚子冷麵同綠茶冷麵

 開咗個冷麵汁

 爭鮮買的$108

細女回來買咗飯後甜品，我最愛士多啤梨好好味

柚子麵喺女兒同學剛日本回的手信，都好香柚子味，麵好幼細嫩滑好好味

午餐自己喺759食咸火腿冬菇蒸排骨，太多叫少飯又好多真浪費，好咸有湯，有茶$45有咭八折$36都算Ok 啦