晚餐之芋頭仔炆燒肉

一個無做嘢的人就無分星期幾，日日都喺一樣，今早如常早起，昨晚細女己同我講叫我瞓晏啲，她自己起食麵包飲奶就可以，但我都八點起叫細起身煮咗個麵比她食完先出去，因為她今晚直接回宿舍，搞掂阿女出門自己睇下書做下嘢等老公同大女起先睇下煮咩食，二個瞓到11點幾先起，大女話去飲茶咁就沖杯嘢食包，去睇完奶奶就飲下午茶，搞搞下三點幾先去飲，本來話食飽啲今晚唔煮，點知阿妹話今晚來痴餐得唔得，咁就飲茶是旦食就返去買餸煮，煮涼瓜炒蛋阿妹最愛又可打包回家食，都喺炒菜蒸魚再炆多個芋仔燒肉又開飯

今早無所事事又麵做自己最愛我核桃提子包

 天氣熱唔洗一個鐘己經二倍可入爐焗

 15分鐘香噴噴的麵包出爐啦

做節食淨的芋頭加啲燒肉，冬菇雲耳炆炆好味又唔嘥

燒肉有先煎香2邊，如果肥就出油連油都唔洗落

 煎好加薑蒜炒勻

就加芋仔，冬菇，雲耳去炒，炒勻試味加些少水去炆（燒肉有時好咸，先試味如果咸加少少糖，如果無味可加些少蠔油）