晚餐之沙鍋雲吞雞

今日個個都休息，以前返工就好開心，現在日日都唔洗返又無咩特別，今早細女約左同學去海洋公園，整左些少嘢食完就出去，大女就話同我哋去飲茶，我話食少少嘢睇完阿嫲先飲下午茶，點知大女話約咗二點要出去，咁就煮啲嘢食完先出去，整咗日本燒，燒賣同餃子，食完就各自出去，去完奶奶到攞左半只雞，以為啲女唔返來食，我同老公就是旦食，點知二個都返，咁去街市睇下有咩買，估唔到有好多檔都無開，其它檔都無咩嘢買，買咗條魚同肉，淋住一煲過就睇下有無雲吞皮，好彩還有些少返到家，自己包雲吞整個雲吞雞煲有菜有湯再蒸魚又開餐

 自己包雲吞可選瘦肉，蝦又可新鮮，味道可以隨個人口味

 蝦先去殼去腸切粒

 將蝦同肉加鹽，糖撈勻

同一方向搞再加些少水同生粉，肉就會軟淋

搞好放入雲吞皮上

 皮邊搽水對摺

 二角搽水對搭就包好

包好約太多可先每只分開入冰櫃雪，雪硬後才入袋或盒，下次用就唔會黏在一起

雞將太肥同內的什物取走 

 水滾先放入雲吞煮，5分鐘左右回碟就唔洗會加菜或其它料時煮到爛

跟住加菜煮淋，再加蝦煮熟，加鹽，糖調味，最後就放回雲吞同雞，滾起就食得

 早午餐食的