中秋節晚餐之南瓜雞盅

時間過得好快又中秋，祝各位中秋節快樂，讀完唔洗返學，只喺有幾日返去實習等考試，同平時一樣煮好早餐，二個午餐盒搞掂個個出門，自己就食左嘢洗衫，清潔上下綱又一個上午，煮左麵食完就去買餸，每年中秋老爺奶奶，大伯同叔仔一家都上來我家做節，嫁比老公二十幾年，今年第一次無上來，而自己又無做嘢，以前要返工就早一晚準備餸，湯，放工就趕回來煮，記得舊年喺幼稚院做又無早收，就煮唔太多點知叔仔比說話聽，咁叫做節，本來淋住自己唔洗做就整多啲，點知今年唔洗做反而就自己一家食，阿妹就同家姐食無來，雖然只得四個又喺第一次自家過節都要豐富啲，整左南瓜雞盅，黑椒豬手，蒜茸蝦，海參鮑片冬菇拌生菜，凍烏頭，開開心心又一餐

今日買咗個南瓜返黎試下整南瓜盅，只喺好簡炒熟啲雞放入南瓜再焗，好好味下次可以轉第二樣

 先將南瓜開頭再將南瓜子清乾淨

洗乾淨南瓜抹乾，用碭紙包住個南瓜

 先用180度焗20分鐘焗熟

將雞先用鹽水浸可解雪味後斬件

先用酒撈勻再加豉油，糖，生粉撈勻

南瓜焗左20分鐘就應該淋哂

先爆香薑片

加入雞件煎香2邊

煎好後再灑些酒

加些少蠔油同水炆到雞差唔多熟

放入南瓜

再入爐焗15分鐘就食得