咖哩魚蛋配朱扒包，味道唔錯賣相好吸引
哩個啦沙喺米粉同油麵二樣一齊，我哩個大鄉里己為無米粉所以加啲麵，原來喺二樣撈的
好豐富的禮物
哩盒喺頭抽加蝦抽，蝦抽都未用過，有機會一試
喜歡煮食的我, 每日開心煮和大家分享每一餐
2016年9月30日星期五
晚餐在將軍澳的亞來街
今日雖然唔洗返學都好忙，早上又喺整早餐，午餐盒跟住去做清潔完去買定今晚餸，因今晚同學有Tvb飛去睇曾志偉的我愛香港，買完餸回家突然收到通知話奶奶入咗院，咁就拿拿聲煲左廋肉粥跟住就去醫院睇下咩嘢事，可能搞咗成朝奶奶好肚餓見到我好開心，我話煲咗粥食唔食第一次好快話食，我就立即餵她好快就食完，原來喺咳得好利害，咳到啲痰都有血絲，老爺唔理咁多就叫車入院，睇完奶奶回家就整定今晚餐飯，煲好飯喺飯煲順便整咗元肉杞子蒸雞，再煲定個魚肉湯底，老公回來滾起加菜就食得，搞掂完又出門約咗個同學食嘢後再join其它一齊入去睇，喺將軍澳唔熟邊到食嘢好，同學話行下先缺定，行行下見到好似食泰國星咖波見還有下午茶，四十幾蚊有個餐就入去試下，我地叫咗二個餐都幾好食，理單每人都喺$41，食完行下就去等車，大鄉里的我第二次入，第一次都喺好多年前肥肥的公益金去的但就九龍塘，今次我哋睇有8男8女嘉賓阿佘，少雲都記唔起，喺現場睇真喺好笑過電視，玩果個口型估字真喺笑到唔識出聲，好開心走時還有好多禮物，大家多謝比飛的同學，順便話下次有好嘢再叫我哋，返到家己經12點幾
入到去好自然攞起間機就影，點知有人起來話唔影得，跟住就專心睇，但前面幾個就照影無人理還是睇唔到？？？
2016年9月29日星期四
晚餐之蕃茄薯仔三文魚骨湯飯
今日唔洗返學約咗舊同事食午餐，一早整咗早餐同午餐盒，搞下清潔搵下書打下機又出門，約咗喺坑口飲茶，哩個同十無見成年幾，見到她廋咗面色又唔好，以為她有病，原來早前參加減肥班，還要繼續我叫她不用浪費金錢而且她好廋，喺都喺我減啦，我哋去咗潮人館食午餐，坐底後好耐無人理，服務好差我下次一定唔會來，坐左好耐去搵人開茶同攞點心紙，搞咗好耐先安心坐底傾，突然聽到好嘈，原來有人同啲伙計嘈起來，可能等得唔耐煩只聽到話見到都唔理只喺喺到傾，嘈咗好耐最後經理先出來平真過份，我哋就繼續傾，原來同事無做年幾返去揍仔，起初好唔慣亂淋嘢，覺得自己選錯人工好時間短有一餐食淋唔開，後來信主後個人先放開，現在好開心好享受，我明的就好似自己早二個月前剛無做，亂淋雖然家人叫我唔洗做，但我自己都邊搵，在家真喺好無唔知點，人哋唔做要揍仔，我已經過咗個果時間，現在有書讀下個人先好啲，有時自我安慰人生必經的路我可能提早些，大家講下傾下又三點，埋單$170左右都叫貴咗啲對我飲開下午茶的，同事趕去接仔就走，大家傾下真喺好開心，今晚只得我同老公食就簡單煮咗湯飯炒個菜又開飯
食時先加飯，飯就唔會脹哂，口感就唔太好
哩個伊麵見人個碟幾靚濕濕哋就跟住叫，但我哋哩碟就好乾
三式包，义燒包，雞包同义燒麥包無咩特別
三式鳳爪，排骨同牛肉（一個人食就好，咩嘢都少少）
湯飯一定要滾好個湯調咗未先
喺潮人的點心，味道都唔差
個牛肚好入味但唔夠淋
2016年9月28日星期三
晚餐之蝦仁炒蛋
今日返個新課程，陪月滋補飲食資識基楚班，哩個課程好短只有三堂，每堂三個半鐘分三日但就要出佐敦上，昨日出油麻地食自助午餐就專登早啲出去，順便搵下個上堂地點都易搵，早上又如常做早餐午餐盒，個個出門做下清潔，搞搞下都晏咗就搭小巴落官塘再轉地鐵，本來想搭巴士一程車又可慳啲，點知最後怕塞車同時間太短，點知去到都喺一點幾還有大半個鐘先上堂，又走去睇下有咩堂可以報，可惜喜歡的全Full哂，只有先登記等後備，今日上堂好有得著，學識啲中藥點去進補，之前有聽講冬天蘿白夏天薑，又話晚上食薑等於食肶箱，蘿白好寒唔好食，但經過哩一堂，原來未煮過的蘿白先寒，煮熟就搵補，以前聽阿媽講蘿白喺窮人食的人參，原來喺因煮熟搵補，又話食完人參食白蘿白會破氣唔可以一齊食，其實喺食咗白蘿白，食人參的補的功效就無咗，等於無食唔會有太大影響，好開心聽下問下又放學，搭車回家點知好塞車，搞到七點幾先返到家，就喺超市買的餸，整啲簡單嘢唔洗一個鐘立即開飯，煮燒汁煎青魚，炒菜同蝦仁炒蛋，點知大又想食雞翼就焗幾只，快快手手又開餐
2016年9月27日星期二
晚餐之翠瓜雞脾菇炒雞
今日唔洗返學，一早煮咗粥比老公，個女就食腸粉，再煮炸菜肉絲炆米比二個帶飯，等他們出門後自己食咗早餐，清潔下打下機，好快又11點拿拿淋出門約咗舊同事食午餐，通常食左自助餐我都唔洗食晚餐，雖然自己唔洗食都要煮比老公同女食，買咗魚同菜就回家，之前食淨啲雞加只翠瓜同雞脾菇去炒炒好味又唔浪費，炒菜蒸魚又開餐
食淨啲雞加只翠瓜同雞脾菇簡單加蠔油炒一炒好味又唔浪費
先爆香薑同紅椒
加薑炒香
加翠瓜同雞脾菇
炒勻加蠔油試味就搞掂
訂閱：
文章 (Atom)