晚餐之雞翼蒸茄子

今日如常好早就返到公司，知道啲人玩野怕自己趕唔切，點知最後都趕唔切12點啲老師食飯，因為蒸雞唔夠時間，估唔到20分鐘都有啲唔熟，第一次整咁大量，下次要再淋淋應該點先得，時間趕唔切已經唔開心，還要比人借題發揮，無野都搵野泥發難，只知她好大聲發難但唔知我又做錯咩，後來才知因為同月入同我好friend個果幫我收哂啲餐具入來，因有個英文老師要整野我幫她無時間去收，而其它人本來喺度等睇戲，點知有人幫我就唔高興，搵野發難我喺一個有教養的人點會哩，一笑置之當無事發生，而有個老師見到話我eq高，她有時同同事吵，會叫自己唔好唔開心，但好難話已同她的同事不說話，我就叫她睇開啲，有人的地方就有是非無可改變
今晚本來唔洗買餸，但大女話可以回來食收七點，咁就去街市買條魚，點知塞車買完回家都七點，昨晚醃咗雞翼淋住炆茄子，最後只簡單蒸就算

材料: 雞翼1磅，茄子2只，蒜茸 1湯，薑絲1湯匙，蔥些少
雞翼醃料: 酒1湯匙，豉油1湯匙 ，糊椒粉1茶匙，糖1茶匙，生粉1湯匙

先將雞翼一開二加入醃料，茄子洗淨切幼條先放入碟

 將蒜茸放在茄子面

 再將雞翼平均放喺面

 灑上薑絲

 水滾蒸15分鐘

 蒸好後再焗5分鐘確保全熟