晚餐之魚肉腐皮條

今日喺學校好開心，時間開始控制到今日的午餐15分鐘前完成，還有時間清潔部份同有時間去洗手間，還被同事取笑有進步，最開心是回廚房清潔碗碟時，其中一個西方老師走過來叫我看看她們西人老師的餐枱，全部empty而且有個老師還走去中文老師那邊要多些少菜，外籍老師比較客氣，每次食完都專登過來多謝我，還讚我令到我都好比心機去煮每一餐，今日因Green Monday,煮咗紅米飯，三餸一湯，湯喺粟米竹䉀馬蹄甘筍湯而我就加咗粟子，腰果等令到個湯好好飲都清哂，什菇煮豆腐，蒜茸炒西蘭同椰花，咸菜芽菜炒素火腿，有個姐姐叫我煮蛋，蛋飽肚啲，本來見有時間都淋下，想加個蛋最後我覺得都唔需要就無煮，其實三個餸都已經好趕，今次自己安排得好才有時間，唔想自己攞苦來辛
現在安排到時間，做完野還有五分鐘就收工，好開心收五點半喺好啲，一來唔洗自己做完，人哋未做完都唔知點，我會好習慣咁去幫手，所以早收喺正確的，放工等車上秀茂坪街市買餸，估唔到魚檔無開，又唔想再食鯇魚，只係買咗魚肉淋住滾菜湯，返到家記起早二日幫襯街邊婆婆買咗幾塊腐皮，咁就將魚肉搽上去，卷好煎煎用來放湯好好味，再焗多個雞翼又一餐

材料：魚肉4两，腐皮一塊

 將腐皮對摺，魚肉平均搽在腐皮上

 搽好後將另一半返上去

 再將兩邊摺入

 再對摺

摺好後切條

 放入鑊慢火煎

 煎好一邊返另一邊

 煎好就咁食都好好味