晚餐之蒸石班

話咁快又星期六，今早才記起要煲湯去老豆到，昨晚去咗探奶奶，回家已好晏喺超市買咗些少餸就趕回家煮，完全忘了買湯料，昨晚唔知搞咩瞓得好差，今早差啲起唔到身，遲咗15分鐘又好趕整早餐煮午餐盒，返到學校好彩無遲，每日就不停趕，趕，趕，做人就係咁，有時都會問下自己為咩要咁，真的唔知又費話，好放工都要趕，趕去老豆到同他飲茶，老人家好心急一早換好衫坐係門口等，試個一次差唔多點九先到，他就打去平安協會，搞到好唔好意思，每星期都同老豆講，遲放工會遲來等我就得，但講完都無用去到都係話點解咁遲，哈哈哈老人家就係咁，搞掂完老豆又趕回家買雞，魚同肉明早去拜媽，早知自己就唔煮落街食，好多野整回家已七點幾八點，但又買咗魚同菜，唔理咁多煮咗餐飯再繼續蒸魚，雞同豬肉，今晚就係因為買烏頭去到魚檔都差唔多收，好彩都買到而且魚檔叫我要咗條班等他可收工話$60平比我，咁就無啦啦買咗條班，通常有大節或朋友才會買，平時真的不會無啦啦覺得無必要食咁貴，咁自己煮都平過出街食，好似今晚有條班都係$120左右，出街4個人普通晚餐都唔得，個細女回來話好肚餓，拿拿淋煮完就開餐，餐後還有好多野搞，咁豐豐富富又一餐