晚餐在味皇

今日又係假期，二個女都有節目，老公唔舒服唔想周圍去在家休息，而我自己就因假期，明天要用的食材就出去買定，下午本來在家無所事事就做下包，打下機食下野，點知有個同學又好無聊過咗來想搵腳，都五六點才夠四個人倍她打咗二個鐘淋住一齊出去食，最後就只有我家在樓下食，今晚細女回來話在家食，因時間關係就在家樓下的味皇食又洗煮，但隨在個咖哩其它都好咸，真係自己煮好過，就喺咁是是旦旦又一餐

豐富晚餐在家興中秋

今日中秋大日子、好彩喺星期日就唔洗趕，舊公司可放半天回家準備，新公司就難而且放六點，每次老爺，奶奶叔仔一家同大伯都喺上我到，今日都一樣，以前會煮好多，今日就簡單六樣又唔太多咁就唔會浪費，做餐死又食唔哂，今日簡單喺飯煲先蒸咗只雞，跟著就炆豬手，用飯煲好方便又唔洗睇火，搞掂完先洗米煮飯，今晚個個有節目又係星期日就六點準時開飯，食飽奶奶就好心急立即走湯丸都唔食，叔仔大伯家都有節目就走哂，我哋四口就整完湯丸食完啲女就出去同啲朋友仔玩，我同老公太攰就無出去喺家睇下電視休息一下，咁就過咗個簡單中秋啦

中秋節快樂

一年一度中秋又到啦，今早好忙雖然唔洗返都一早起身買料煲湯，今晚好熱鬧老爺奶奶，叔仔同大伯都來做節，十幾人又㷛湯又準備餸
幾忙都要同大家講中秋節快樂

提早興中秋在富臨

今早回校雖然半日好忙，昨晚學校中秋晚會煮2餐，老公同女自己搞掂，我就搞到九點半先收工，星期一又唔洗飯，所以更忙昨天要做的事今早做，洗油池同醃定野，太忙忙了星期一唔洗返，好彩記得星期四訂左部份野今早搞好星期二回去才有得煮，其它就回喺假期搞好帶回去，好彩今晚唔洗煮，真係好攰下午回老豆家飲完茶同老豆清潔完就等晚餐，喺富臨訂咗枱都幾貴而且啲野麻麻地，服務又差，如可以就再早食唔洗同人迫，今晚食指定套餐，最平13人$3688全包，今晚最好都係條魚同只豬，其它都唔識講，飽魚片原全無未以螺片多啲，炸蝦丸唔係太新鮮，節瓜釀瑤柱更差無味

 全包有2板啤酒加六礶汽水

 帶子炒西芹

 炸鮮奶拌蝦丸

節瓜釀瑤柱，個樣好靚但完全無味 

 鮑魚片冬菇完全唔似鮑魚

海班

 炸子雞又喺無味

 糯米飯都幾好

 最後甜品

晚餐之絲瓜海鮮湯

今日喺學校好忙，本身今天出去買食材都無時間，因為趕完午餐又聲生日會小食忙到收工，個大女今日收六點半可以返來食專登去街市行一轉，收工啲野平好多，生菜$6斤，絲瓜$5就有3只，買些少魚肉同條魚就回家，早2日已醃咗個金沙骨，返去炒個菜蒸魚滾個湯焗個骨，快快手手又一餐

 材料：絲瓜2條，魚肉4两，咸肉1湯匙，蝦仁8～10只，蜆肉半包，薑幾片

 先將蝦同蜆肉用鹽水浸浸

絲瓜去骨洗淨切細件

先喺煲爆香薑同肉

 薑有香味就加入絲瓜

 炒勻

 加暖水差唔多浸過瓜

 滾起後

 加入魚肉

 滾起後加入蝦仁同蜆肉

 再滾起加鹽糖試味就飲得

黑椒豬扒

做人就每日都係趕趕趕，又過咗一星期啦，時間實在太快，今早回校幫其它姐姐一齊做清潔都好忙，洗玩具，地席…又有活動完咗又再還原同搞清潔，好趕好快手，個個都想準時一點收工，最後都搞掂一點左右走，又趕去老豆到，老人家又好心急，以前份工收12點返到老豆到都喺一點，轉咗哩份後最快都再1：40咗右先到，試過一次老豆打咗去平安鐘話搵唔到我，搞到好嘛煩，老豆九十幾啦開始無記性，講咗又話無，做咗都話無，但都算好叻識行同自己食，但因跌過入咗醫院後現在只有我去同他落街，自己就唔會出門，返到去先同他飲茶，飲完就行下先回家準備晚餐同他清潔，搞掂完又六點就買啲餸回自己家煮，今晚齊人大女都休息就簡單魚，肉菜又開飯

                                      

•  材料：豬扒3件，雞脾菇1只，洋蔥1個
  醃料：豉油1湯匙，糖1茶匙，生粉1湯匙，水2湯匙
  黑椒汁：黑椒粉1湯匙，蠔油1湯匙
  
• 先將豬扒啄鬆
  
•  啄好後切細件
  
• 加入醃料
  
• 撈勻
  
• 洋蔥同雞脾菇切條
  
• 將豬扒入鑊先大火後轉中細火
  
• 煎完一邊轉另一邊
  
•  用筷子容易插入就熟，先回碟
  加入洋蔥爆香
• 
• 洋蔥有香味就加入雞脾菇
  炒勻加入黑椒粉同蠔油
• . 加回豬扒炒勻
• 
• 試味加蔥
   就可回碟
•