晚餐之本菇蝦仁炒蛋

今日無學返，一早起身整好早餐同午餐盒，個個出門後都喺做下清潔，睇下書打下機，啲時間過得好快又中午，煮咗個麵食完又Hea下, 淋住四點幾出去買餸，點知睇錯鐘以為好早，原來就快六點連餸都無買，拿拿淋煮咗個米粉就去睇奶奶，奶奶好氣速唔想食嘢，搞咗好耐先食些少，大伯今日唔洗返都有去睇，但就好多嘢講，奶奶氣速當然食唔到，我已好努力去叫她食，我覺得己經食得幾好，點知就立即打比我老公話阿媽好唔得叫他放工立即來，話她唔食，時話凍又話熱，如果真喺唔得醫生都會通知叫哂家人見最後一面，我都費事理有叫護士姐姐睇下，Check過都無咩事就走，點知大伯唔知想點，我老公打比我問，我講咗大約情形之後老爺又打來問我又解講咗，跟住奶奶要去大，我見咁氣速就去攞便盤同她搞，大伯就立即行開，得我一個好難搞，搞咗好耐終於搞掂，大伯入返來轉頭話走先，我真喺令願他不在好煩，幫奶奶搞掂哂見她無咁速叫她瞓下，可能成日無咩點瞓，跟住坐多暫見她好好多我就回家，已經八點幾，喺超市是旦買啲嘢回家立即煮，雖然成日好似無咩嘢做過，但個人好攰，簡單焗青魚，炒蛋炒菜又開餐

 加咗菇炒蝦仁又唔同她好味

材料：本菇1包，蝦仁1包，蛋6只
蒜茸1湯匙，薑絲些少，蔥些少

先將菇用白鑊旱乾

 回碟將水倒掉

 將蝦，蒜茸同薑炒香加鹽糖試味

 加入菇，蛋同蔥

 炒勻就可上碟