晚餐素菜在太子百寶齋廚

今日醫院通知可以攞文件去做嘢，本以為自己去灣仔辦死亡證同租十年期的地，打比老公去問長生店，原來一條龍有人跟你一齊去辦，今晚約咗出來傾，點樣安排大約講咗再計數，跟住要做啲咩....等，傾完己經九點幾就喺附近見到間百寶素食，望入去無人，以為收工點知入面有人指我哋入去，我哋就問是否收咗，行入去先見到幾枱人加我哋都唔夠十人，通常咁情況我覺得一喺好貴一喺唔好食又或太晏，坐底唔知叫咩，無食開的我是旦叫左二個餸同二碗飯，現在齋店都唔同以前，真喺齋口唔齋心，餐牌啲餸同普通酒樓飯店一樣，乳豬，蝦仁炒蛋，沙拉骨....等，樣己經有九成真，連味道都有八份似，唔講真喺唔覺食緊素，今次茶連加一埋單$240都算貴，啲餸都喺一般但見人哋叫個啲又好似幾靚，不過下次都唔會再試

 苧頭炆鴨，好重椰香味

 蓮藕支竹花生炆火腩

 哩個火腩就無我以前買返去幼稚院煮個只腩肉似，魔苧的味太重，但質感就似肥肉，未食過的老公就話唔怪得啲西人唔食啲肥，真喺當肥肉