晚餐之糖醋黃花魚

今日大部份打工的又多日假，如果返五日的又可一連放三日，而我已經享受唔到，打工咁多年都未試過今年咁多風打，自重我七月尾完咗合約到現在都因打風黑雨無啦啦多假，我就無哩啲福氣，有時無意又講咗又無我份，有錢放同無錢放當然有分別啦，其實做開嘢的我都好難停下來，開始準備去搵下工啦，今日難得一家都在都好耐未試過，好彩細女昨晚回來今日先齊人，在家食完早午餐各自做功課的做功課，睇戲的睇戲，打機，而我通常就會整下嘢食啦，預備咗簡單料去包雲吞同餃子，剛整好大家又想試就煎咗部份，今次都喺第一次全素，味道又唔錯大家食得好開心，最後連雲吞都煎咗食，今日全日都無出去，家中有咩就用來煮，習慣雪櫃都有存貨，先攞黃花魚解凍，因菜唔多加幾只冬菇去炒，整個糖醋魚再炒多個素肉脆肉瓜又開餐

先將黃花魚洗淨開邊，糖醋料可配甘筍絲，沙葛同蔥，汁用白醋，糖同茄汁

 黃花魚撲上生粉放入鑊先煎一邊

 煎好轉另一邊，一定要見一邊金黃才反，魚就唔會爛

 炒香配炒加入汁料，慢火煮

 煎好的魚放入碟

 煮好的汁試味可加生粉調杰

 淋入魚面

現在好方便，咩嘢餃子皮都可買到，昨天買咗半斤$6上海餃皮，通常都買圓的，但無只有方都無所謂

 先包咗雲吞，這樣包通常煮湯

 可自己將皮Cut 圓

 包另一個樣就方便用來煎

煎餃先加3-4湯匙水就夠，因餡料已熟又喺菜

 加蓋煮1-2分鐘

 收水就可以

 如果想脆身可加油煎2邊