晚餐之蕃茄金菇煮豆腐

今日喺屋企又無所事事，搞掂哂個個出門，自己在家又睇下資料，真喺好豐富想要咩打入去好快就搵到，睇下產後要注意的咩，可以煮啲咩，實在太多太多睇睇又二點，雖然未有工，但有啲同學已經開工，如果問起上來都可以幫下手，阿妹上咗來就喺附近飲下午茶跟住行下街，又去759買咗好多零食再去買餸，阿妹話想食鴨就買咗些少，炒菜蒸魚炒多個蕃茄豆腐簡簡單單又一餐

 材料：蕃茄2只，豆腐1件，金菇1包，洋蔥半個，甘筍同蔥些少（裝飾用）

 先煎香豆腐

 煎到金黃色就回碟

 炒香洋蔥

 洋蔥有香味就加入蕃茄，金菇同甘筍炒勻加鹽糖調味

 加入豆腐

 炒勻試味最後加蔥就食得

一早煲印度椰子素湯，今次只加咗百合，紅棗，黃豆，腰果，甘筍同栗米，啲湯好清甜而且好香椰子味

晚餐之沙茶醬炒金菇素火腿豆腐

今早搞掂哂家中基本嘢，八點就出門同啲同學打氣，喺考場附近的酒樓等位，等他們考完陸續過來一邊傾一邊等，本來報名飲茶的只有九個，到最後成班同學十幾個好熱閙，你一句我一句由九點坐到一點，有啲同學雖然未合已開工，問我點樣要煮咩有咩唔食得，因大家都知我無所事事準備緊就影我啲料，又有同學考完下午要見工，我又講下見工要注意事項，大家都好開心一邊聽一邊問，自己就好似老師教緊班同學，其實我自己都覺得適合教書可惜已太遲無可能再回頭去考牌，現在有班同學對我咁好，有嘢就問令我都感到開心學以致用就算搵唔到都無所謂，雖然無親身但聽她們講問意見又幫到手，飲完返工的走先，見工的我都走，以為她難搵早左成個鐘到喺附近行下又被蚊咬最後都早二十分鐘入去，只喺簡單填表了解下我之前的工作，又講下工作範圍後就叫我回家等，如果校長合適就會打比我見第二次跟住就順便買餸回家，今晚細女回來食昨晚已整好凍烏頭，再沙多個她最愛的金菇粉絲平時配肥牛今次就用咗素火腿同豆腐，細女回來好開心，以為條魚會食唔哂，點知她們差唔多清哂，的同學都好關心我問啲，個個都支持話得唔得都唔緊要，我又無唔開心，真喺好予盾好想她請我，又好怕請我，因為讀完陪月又攞咗五張證書都好想試下自己做唔做到，現在只喺幫同學解困自己都未有機會親身上，今晚又同她傾到點半話明天再跟，自己實左大攰今早五點幾起到現在，而她明天又上班都應去瞓唔喺就無精神去照顧人

 同學帶出來星馬的手信榴槤糕我都唔食，她又專登送我二包肉骨茶

材料：芽菜，三式椒，豆腐，金菇，粉絲，洋蔥，素火腿 

 先將豆腐散些鹽，煎時沖洗同抹乾水，煎時就唔會散同容易煎

 將三式椒，洋蔥洗淨切條，芽菜洗淨，粉絲浸軟

 先將素火腿同洋蔥同炒香

 加入三式椒

 炒勻加沙茶醬

 再加入粉絲同些少水

 炒勻粉絲軟身就試味

 加入豆腐輕身炒勻

最後加入些少老抽同麻油炒勻

晚餐在什菇炒麵根

今又在家無所事事，同啲同學閒聊，明天同學補考，大家喺到傾等她們補考完去飲茶，我哋幾個唔洗的同學先攞位，估唔到我哋班同學個個都咁好，有嘢大家一齊分享，知道有同學搵到工又開心一餐，二十幾人你一句我一句，好忙好開心講講下又五點，拿拿淋去買餸，買完回來好開心終於明午有工見，本來一直想搵文職但send 咗50幾封以上，都無人搵我見有啲失望，這個月都開始連幼稚院廚都照寄，可惜都喺無回音，但剛買完餸回家收到電話問我喺咪應徵做煮，其實我都唔記得邊間，約明天下午見工，心情莫明奇妙的興奮，剛已收搭心情準備陪月的資料去搵工試做，但收到電話後不知怎地裡有種喜悅的心，無論明天成功與否依然心情緊張，已經零晨二點還未能入睡，明知要五點幾起來，心情難以平靜，就好似自己明早要考試咁，好啦講下今晚餐飯，先煲雪梨湯可能果皮太重，味道有啲似話梅因雪梨有些少酸味，又整咗苧卷，都喺炒菜蒸魚再煮多個什菇炒麵根又開餐

 下午煮咗素餐肉炒蛋河配一杯牛蒡茶，今次哩個餐肉，質感好似

晚餐之西炒檬粉

今日下午要上堂學滋潤湯水同清淡小炒，上午做哂嘢買咗些少餸食完嘢就出門，每煮食都唔同，今次教煲個雪梨干鴨咀梨加南北杏，無花果豬展果皮，講解下每種食材的好處，小炒就西芹，鮮百合淮山炒雲耳，雖然簡單的小炒但每個做法都唔同好多意見，哩個老師就樣樣出水最後就用半茶匙鹽加二茶匙糖，好好笑大家都不停議輪不停，有的同學就話落咁多糖會否甜，有啲又話唔洗出水.......最後我同自己個組的同學講話我哋來上堂應該都要跟老師做，糖我哋可以唔落或者加些少，炒完碟餸大家都試食又飲湯好開心又過咗半日，放學後回家先煲咗節瓜黃豆湯，炒菜煎魚同炒個西檬粉，啲女話想食又買到料就一定有得食，快快手手又開餐

材料：檬粉1斤，青，紅綠椒各半個，素火腿切絲半碗，豆卜$5，菇仔1包，芽菜$5，甘筍些少（如喜歡可多加），薑絲適量
汁料：茄汁5-6湯匙，醋1湯匙糖1-2茶匙

先將材料洗淨切絲，

豆卜用熱水浸後搾乾水

先用薑爆香豆卜同火腿

炒香後加入三式椒，菇炒勻

加入檬粉

加入醬汁

炒勻試味就食得

今日上堂學的小炒