晚餐之海南雞飯

今日老公又放假，下午同奶奶覆疹，明早終於有份半文職叫我見工，老公怕我唔識路就話出去行下順便買魚，咁出咗去先搭車出去探路，真好有誠意都唔一定請，老公就話行下者，跟住就去金魚街買左2袋魚就回家，其中有條魚大咗肚，老公回來又出去同奶奶覆疹，就將魚先倒哂入魚缸回來先將大肚魚隔離，點知回來見到已生，還見被自己魚食好心痛，立即救得幾多得幾多，我買完餸返來見老公好忙先知，但都幫唔到手就去整餸，細女想食海南雞飯，今次哩個飯唔同平時做法做多些少嘢，洗淨只雞先用酒同鹽醃咗再去蒸，蒸完吊起吹乾，雞湯汁就用來煲飯，先爆香薑茸去炒米後入飯煲去煮，整二個醬薑蔥茸同辣醬，搞好就滾個菜湯同蒸魚又開餐

 洗淨只雞先用酒同鹽醃咗再去蒸

 蒸完雞湯汁就用來煲飯

 先爆香薑茸

 加米炒香

 加入蒸雞湯

 炒勻

 倒入飯煲加水同平時煲飯一樣，炒過去煲出來的更好味