完成陪月課程第一日的晚餐之蘿白三文魚湯煲

離職到現在差唔多三個多星期，終於開始第一日的陪月課程，成個課程14日全日加11半日每日朝九晚六，太耐無讀書時間真的好長，第一日的上午就講解課程，上堂時間要學的和考試要留意咩，聽完都暈一暈，好多嘢讀又要記好多嘢，家姐好叻舊年讀得好輕鬆而且一次過合格，聽導師講好難，每班25人都喺得6-7人可以一次合格，其她都要補考才合格或三次，我就已經有啲怕讀唔掂，一個鐘食飯，下午就另一個老師講下實習同考試的要點，之後正式上堂，哩個老師好有經驗同好有趣，前身護士長又去好多中心教，第一堂就講迎接新成員的準備，注意的事，產前運動，飲食....等好快就到六點完堂，感覺好辛苦但好開心，返去還要做功課，有種回到中學讀書的心情和喜悅，放學好趕回家買咗啲菜同蘿白又七點幾，好簡單滾咗蘿白三文魚湯再炒個菜就算，家人真喺好煮咩食咩，一邊食一邊分享今日上堂的趣事

老公好幫手，食完就去睇下今日的Note 同做功課，雖然自己有二個，但新一代好唔同，真喺要好好學習

 午餐同啲同學出去食飯，食飯時間好多人，好耐未試過出去迫，原來官塘都開左間759餐廳，會員有八折啲同學真喺叻，我之前喺葵涌個間食啲嘢好平，哩到就貴些少有八折就差唔多，食咗個常餐有米粉，半件多士炒蛋煙肉同杯飲品，折左三十一蚊左右都好飽，啲同學叫午餐都有6款有湯有茶折左就$36比美心同大快活我淋平啲