晚餐之車仔烏冬

今日都喺六點半起身，煮早餐同午餐比老公帶飯，搞掂哂個個出門，就清潔下打下機都好快過，下午阿妹專登攞個行利箱過來話順便同我飲下午茶，咁就出去行下飲完就回家買餸，二個女都唔洗回來食，得我同老公就簡單煮烏冬，淋起上次同老公出去，見好耐無食車仔麵，就去咗某個商場的地下記得個道應該有，真喺太耐無食唔知價，二個簡單豬紅蘿白都要三十蚊，叫牛根或腩就差唔多四十，最後太多人就無食走咗，今晚見二個食就買咗豬紅，蘿白，豬腸同魚蛋，煮返過自家車仔麵食餐飽，此中自己煮平好多又好味，老公回來見到好開心，先將豬腸炆淋再加蘿白一齊炆，食時滾起加其它料就食得，簡單又食得