晚餐之用電飯煲煮豉椒排骨飯

今日星期日都喺八點左右起身，細女出去教班，我就搞下嘢等老公起身，食咗簡單早餐，通常都喺飲杯麥皮咖啡加塊自己整的包，午餐就煮左麻辣米線同老公食完出去，人好化話走就走，同學的阿嫂上個月尾離開咗今日去行個禮，上次先話有時間上我家食飯，點知唉好唔開心，我每次參加這些都唔開心，但不會好似今次咁失禮，入到去未行完已引唔住哭出來，喺從未試過，還未問候她的家人就走開一邊，記得自己媽咪走時我都無點溜淚，搞到好唔好意思，到尾時更不能控制，最後都無上山完咗儀式就離開，老公好擔心問我點解咁，我都唔知點解咁失控，同學反而叫老公睇住我，行咗陣先搭車回家，返到去都無咩心情，就去超市買咗排骨同菜，簡單用飯煲煮咗掛骨飯，炒個菜同返熱昨晚淨的湯，簡簡單單又一餐

材料：米2杯，排骨$25，薑蒜1湯匙，
            豆豉半湯匙，指天椒1只
醃排骨料：豉油1湯匙，糖1茶匙，生粉1湯匙，水1湯匙，油1茶匙

排骨洗淨加入醃料撈勻

薑，蒜，豆豉啄碎加入排骨撈勻，指天椒切絲

米洗淨同平時煲飯一樣

將排骨加入飯煲，指天椒絲放中間

蓋上蓋按制煲飯

飯煲跳到保搵制就食得