栗子炆鴨

今晚家姐，姐夫和她的女婿來我家晚餐，去完老豆到煮好給他食完就趕回家，家姐好客氣買左好多野來，我早一晚買左只鴨淋住簡單鼓油用玫瑰㷛去試煮，真的好方便放哂所有料煮45分鐘左右就可以，家姐買來栗子話好想食睇下點煮，咁就將栗子炆鴨，家姐就話栗子雞就食得多，咁樣都喺第一次食，問我點煮，簡單材料煮出另一味道，老公知道姐夫一家來就走去街市睇下有冇蝦，因她女婿好鍾意，點知太夜都收就見到有麵包蟹，檔主話好好食叫他試，就喺咁又多一樣，就咁清煮，姐女婿一樣食得津津樂道

 材料：鴨一只，栗子一包，薑8～10片，干蔥一只
先洗淨鴨用酒，豉油醃一醃，干蔥洗淨切細，栗子洗淨

 先將薑，干蔥放入玫瑰㷛入面蓋上蓋，等薑同蔥出味

 就放入鴨煎香2邊

加入豉油，糖，3杯水同栗子先煮二十分鐘

二十分鐘後就反一反再煮二十分鐘

水差不多收乾，用竹簽插入無血水就熟，試栗子是否夠淋就可上碟

食時斬件

麵包蟹都喺第一次食

老公見殼大過身一定無肉食，點知好鮮甜，家姐，姐夫一家好喜歡由其她的女婿話好好味，咁老公話下次可再食

好多膏，蟹鉀好多肉