午餐在堅尼地城新中華海港魚寶

新年快到，今早同家姐細妹過左香港拜媽咪，今早都喺去金鐘再轉巴士上，到回程時老公話堅尼地城地鐵開左，我就話不如試吓，下次就更方便，咁五個喺薄扶林等左好耐都無小巴就搭左$22的士，姐夫話平過搭巴士，跟住去搵野食完先搭地鐵，以前記得有間好彩，點知個到起緊樓唔同哂，見到有間海港魚寶就入去等左45分鐘 先有位，原來又未到下午茶，咁家姐趕住返去就照叫野食，但都唔平，雖然小點$13.8但只得一樣，中點已$19.8我地叫左6/7樣就算，點知到二點有下 午茶點心，個個都話飽，我唔理叫左個超底排骨加炸兩等於一個大點價，d野就普通，如果正價就唔底食，服務又差，如果食下午茶就好底，下次你地有去就記得二點先好去啦