午餐同家姐細妹餐聚在潮觀

明天開工啦，家姐細妹話要出嚟食多餐，知我開工就唔得閒，今次順利就三個月先完工，今早同老公食Pan cake同蘑菇炒蛋配咖啡，食完簡單早餐清潔下再準備埋明天開工的物品就出門今次細妹話要試潮觀，阿囡又得閒就先去攞枱，時間接近下午茶就多等一陣，我哋第一次原來阿囡好多時喺附近做嘢就多數成班同事喺到食，介紹幾樣好味的，點知叫咗好多嘢都食唔哂就有啲打包，晚餐只得我同老公就無再煮只喺食咗生果就算，叫咗好多嘢可能下午茶埋單差唔多一千，姐夫話好抵以為要千五左右，最後忘記有功夫茶跟尾，埋完單出去先見到又錯過咗，應該下次會再嚟，姐夫非常滿意呢間，話環境唔錯，坐得舒服同食物都好好，但時間就有限入座個半鐘，我最唔鐘意就係有限時，好似好急，姐夫就話個半鐘夠哂，如果邊食邊傾個半鐘就太急，淨食完就走可能就無影響，哈哈哈

風爪都比一般多

牛肉好大粒

蝦餃她們都話好

炸魚家姐最愛，我都唔知喺咩嘢魚

沙嗲牛河家姐話好耐無食到呢個味

鵝片拼盤

蠔餅就好有以前大牌檔的味，呢個真係好多間都食唔返呢個味

蠔仔粥阿囡又話好好食，真係幾好味好足料

蜆蚧鯪魚球

明蝦角細妹最愛個話好多酒樓而家少見

冬菇煲仔飯，姐夫讚不絕口

細妹又好有心去整理呢張食物相

今早同老公早餐