晚餐之蜜糖檸檬黑醋骨

今日唔需要陪家姐，明天約咗個11月的媽咪簽約，傾咗好耐因為第二胎所以都唔急簽，大家都好忙，個媽咪家中輪流病所以搞到而家先有時間約出嚟簽反約，在家整定蛋糕仔順便準備埋早餐麵包，今日細女返晏就整埋午餐食完出門，我都出去行下順便買餸，連續幾日食雞今晚整排骨，今次調咗個甜甜酸酸醬去試煮，啲媽咪好多都喜歡甜甜酸酸，所以餸菜都離不開糖醋骨，咕嚕肉或雞，其實都喺睇個媽咪喜歡食咩再因應需要而去煮，而糖醋骨都喺是旦家有咩醋就用咩嘢無特別的份量，今次呢個就只係幾樣簡單嘢加埋蒜，薑同干蔥先爆香炒排骨後加醬汁放入電飯煲去炆，唔洗睇火半個鐘就搞掂，今次個味道好好啲女都話好食，所以又分享下，昨晚食淨啲意粉加咗牛扒切條同露筍炒一炒加埋黑椒又唔同哂，就唔覺食完又食，加多個紫菜雜菜炒湯又開飯

材料：排骨1斤，干蔥一粒，蒜一個，薑片8-10片，酒2湯匙，豉油2湯匙

汁料：檸檬汁2湯匙，蜜糖3湯匙，黑醋4湯匙，橄欖油1湯匙

干蔥去衣洗淨切條，蒜去衣

汁料先撈勻

排骨先解凍後加入鹽水浸幾分鐘可去雪味，洗乾淨後抹乾水

先入鑊煎香2邊鎖住肉汁，炆完會軟淋唔太乾

電飯煲可先爆香薑片，蒜同干蔥，唔用飯煲喺鑊炆就直接喺鑊爆香都一樣

煎好排骨

薑片蒜干蔥有香味

加入排骨後炒勻加入酒更香

加入豉油炒勻有底味

炒勻後加入醬汁

撈勻

加入一碗水左右

先煮30分鐘

半個鐘後試味同軟諗就搞掂

先白鑊烘乾露筍就唔會有臭青味

跟住加牛扒炒勻後加入意粉炒熱

最後加入黑椒碎炒勻就搞掂

焗完蛋糕，麵包都發得差唔多要焗，搞到蛋糕回縮太快

芝士朱古力蛋糕仔，焗完立即攞出嚟回搵太快縮得好快