咁快又星期六還在休假中，今日2個女都休息只有老公要返，搞掂老公出門就例行工作，清潔，洗衣，同2個女出去行下 順便食午餐，今日去咗食越南嘢，叫咗2個粉麵加啲小食，最後發現叫拼盤最抵食又叫咗，食飽飽周圍行下，細囡要買教畫的材料家姐同她去，我自己就去買餸回家先，回家先記起惠康今日88折就去睇下，有優惠就特別多人，去到人山人海周圍都排隊，我只買咗pack就去排快線，點知去錯自助機，幾條龍都好亂，排咗15分鐘先發現錯好想走又唔值，最後等多半小時，喺我前面的太太好醒目邊排邊買，叫前後幫她睇同推住架車，最後她的車差唔多滿哂好勁，因為去一去等一等回家已經6點半好趕，先焗雞跟住浸菜，邊洗邊煮等埋老公回來剛好開飯
前一晚小暑冬瓜太多淨一半今晚加草菇，瑤柱滾一滾又一個消暑湯
焗雞配昨晚淨的燒排骨
先灼露筍後煎三文魚
超市的人龍轉咗幾個圈
午餐的越南粉麵同小食，單叫一款都要38以上
沒有留言:
發佈留言