今日仍未需要返工，家姐知我未返就叫我出去，如常搞掂各人出門，清潔做好後就出門搵家姐，出咗太子買養魚的草，出到去已經12點半周圍都好人，應該放飯時間疫情放濶後，香港人可以周圍去，外面的人又可隨時嚟感覺已回復以前咁，我哋都先搵食到到都實咗太多人，啲餐廳又排曬隊，最後同家姐喺大家樂簡單食完就走，其實我最怕行街太多人感覺好迫，好快買咗家姐要買，本來想再行去買花出開嚟順便，已經3點半家姐話搭車回去都晏最後就各自搭車回家，回家去買餸同準備晚餐，今晚簡單炒粉，昨晚有淨雞炒個菜加多個湯，點知2個女都話唔返，一個突然要OT，另一個約咗人，咁得我同老公就唔煲湯，菜減少粉已準備就算食唔曬留明天，搞掂又開定冷氣，等老公回來就開飯，輕輕鬆鬆又一日
肉碎調味：豉油1湯匙，糖1茶匙，水1茶匙，生粉1茶匙
豬洗淨加入調味撈勻，茄子切條用鹽水浸浸，彩椒洗淨切碎
加入肉碎炒香
加入干蔥炒香後，喜歡辣可加入辣椒或xo醬加入炒勻試味後加老抽比色
加入紅薯粉炒勻
喜歡芫茜蔥最後加入炒勻就搞掂
最後灑入芝麻就可上碟
先用滾水煮開紅薯粉
茄子我喜歡先白鑊烘乾，炒出嚟一樣靚就唔需要用太多油或出水
沒有留言:
發佈留言