同學晚餐在歷史悠久的泰豐樓

今日家姐過咗嚟坐下試家中的咖啡，退休的家姐無所事事，每日都搵地方去剛我還未開工，盡量都陪下家姐因為姨甥女移咗民，家姐未習慣你嘢快就會亂諗嘢，午餐簡單煮咗麵同家姐一齊食，整下蛋糕就陪家姐去買餸，送她去搭車自己都準備出去，今晚撇甩家人約咗班中學同學食飯，今晚去泰豐樓最後一次我哋係15年去過到宜家相隔八年，呢間原來好耐歷史大過哂我哋，我哋坐低一陣已經滿哂人，我諗唔訂枱好難有位，大家都太耐無食，之前去過一間好差又貴都忘記個名，今次大家睇下食咩，啲嘢都算貴，炒菜都過百還分大，中，細價錢，原本每日選一樣最後伙計姐姐介紹我哋食片皮鴨餐，話抵食全包唔夠先加，等埋最麻煩的同到就缺定，最後就加個三鮮炒拉麵，蔥油餅同銀絲卷，其實個餐真係好抵同夠食加個菜就好啲，但一個話嚟唔食拉麵就等於無嚟，另一個就要炸銀絲卷，有個就要食蔥油餅，所以就加咗呢3個，可能太耐無嚟，大家都好興奮叫叫叫食得好飽，傾下講下又喺時候各自回家，開心愉快的一晚

餐的白肉粉皮唔加個汁都好味，同學都覺得加汁先好味，每個喜歡食法都唔同

清炒蝦仁未試過真係得蝦咩嘢配菜都無

銀絲卷層次唔太明顯

銀絲管配練奶，我無試同學話唔好食唔脆內唔熱

餐的冬瓜鴨彀湯騷味好重只有2個同學飲到

4人餐都算多，我哋6人都可一人一碗，但太騷2個同學幫手飲埋

蔥油餅唔係我哋想食果種，呢個唔好食無蔥油香味，炸得太乾

片皮鴨都多，之前同學覺得皮好少，原來有20塊，可能太薄睇唔出，每人都有3-4件去包鴨件

蟹粉小龍包只得4只，另加1只要$20無加，因為有同學怕腥，我有食覺得幾好，但有同學就話好醒

賽螃蟹，呢個就麻麻

三鮮炒拉麵有海參，肉片同蝦，我後來先知有海參，因為只食少少麵

餐的甜品高力豆沙

我哋以為得4個，點知有8件每人一件，有啲喜歡可食2件

我哋喺度傾時話呢間應該好耐，裝廁紙的盒都好舊，講講下有同學發現頭頂的燈有寫，我就試下影底，換咗部2000像數真係唔同，竟然影得好清楚