網頁

2023年8月5日星期六

晚餐之老公煮

話咁快開工2星期非常忙早出晚歸,每日都7點幾出門買埋餸就去顧主家,應該10點15分前到,收就5點半,但多數每日9點半左右到,晚晚唔會早過6點半,頭幾日多數7點後最遲8點,雖然有講ot收費,但做咗咁多年從未正式收過,因為頭幾日啲媽咪未習慣都會盡量搞掂先走,對我嚟講做掂就可以無咩所謂,呢個BB 喺mix 好得意,爸爸喺法國人好多事都想親力親為,媽咪想全埋身,唔太想泵奶覺得麻煩又辛苦,比咗吸奶神器用一陣就話頂唔順,初期唔太夠就食奶粉,BB而家嚟講都算大b,因為通常都6磅樓下容易生,呢個出世差唔多8磅,初期唔夠奶體重差唔多個幾星期先上返,已經2星期都未模到BB食幾多先可以瞓幾個鐘,個幾鐘就要食搞到媽咪無得休息,叫媽咪泵下,可能一日都有一次所以又難估有幾多,好多時唔夠只有餵奶粉,記得有一次我餵奶個爸爸好想餵但又無同我講,後來我餵完先同我講話以後用樽就叫他,我話好你出聲就可以,爸爸同姐姐都好錫BB,一咸就抱所以都好難搞,而家BB瞓都要扭抱好耐先瞓到,希望可以盡快正常處理,雖然簽咗3個月感覺應該做唔到,但無論點做咗自己本份有咩到時再算,而家啲人唔同我當初做咁會尊重好珍惜,而家喺難做有啲人當你姐姐咁,有啲當廚師,當覺得都無咩特別就會想辦法令你自己走,所以而家做每份都喺盡心做最後點都無所謂,我轉呢行都喺希望每個媽咪都坐好月身體好,呢個爸爸喺法國人超喜歡中國菜,反而個香港媽咪食咗一星期就話唔想食,第二星期就要食西餐,通常滿咗月啲媽咪先會要求簡唔中食下第二樣,而呢個媽咪對食好要求,每日已經唔同種類的餸菜同小食,喜歡的二話不說全部食哂,唔喜歡都有食只係唔會好快清跟住就話無謂口,只係2星期已經覺做咗好耐,每日都會去諗唔同的餸去煮,好多時差唔多第二或第三個月有媽咪需要先寫餐單,多數都喺我煮咩食咩好享受,所以個個唔同,開工後每晚又要辛苦老公煮,嚟緊呢個星期老公放大假就會更輕鬆,唔需要準備午餐盒同部份晚餐,等老公去安排,疫情過差唔多都正常,個個都忙,2個女都唔一定晚晚回來食就可以更簡單,今晚老公就唔係一煲過,忌廉湯,炒飯,開開心心又開餐

忌廉湯

炒飯


手繪蛋糕,阿囡喺學校帶回來分享

其中一個早餐
部份每日的午餐





燉湯配小食就無時間影底,有肉碎菜心腸粉,xo醬炒腸粉,薄餐,煎餃,南瓜餅,桂花小丸子,pancake,炒麵,檬粉,炒銀針粉.....等


沒有留言:

發佈留言