BB滿月日

時間過得好快今日BB滿月啦，祝BB健康活潑精靈幸福快樂過每一天，而家疫情已穩定好多，開始帶口罩的人開始都少，生活好似回復正常，而我都喺習慣帶去到媽咪家都會換上新口罩，呢個媽咪嫁比一個法國人，所以比較西化滿月咩嘢都無搞，而我就一樣幫她們做一啲簡單嘢好似買柚葉比BB同媽咪沖涼，等她們洗過後健康快樂一世無優，又整咗紅雞蛋同蛋糕祝他們一家健康幸福快樂，午餐準備簡單燒肉，菜同媽咪想食的黃金班球，喺好似黃金蝦做法，牛油炒香熟咸蛋黃後加入班快炒，下午茶就整咗杞子豬肉蝦燒賣配天麻燉魚頭，呢個媽咪就喜歡西餐而西人爸爸就喜歡中茶，最愛每日唔同的下午茶小食，媽咪就最愛不同款的小丸子，用自家制糯米酒煮桂花小丸子，媽咪食到唔停口，第二日又想食，但全埋身還未安排好時間，所以之後的丸子就配，木瓜，椰汁，桃膠，雪蓮子，紫米....等，突然想到想食咩就會問我整唔整到，有料都會盡量滿足她的要求

牛油煮咸蛋黃

下午茶的燒賣配燉湯

滿月唔少得同BB影返張相，爸爸同媽咪都太愛這個班蘭蛋糕，未影相已經唔見咗一角

其中一日唔想食飯就整咗蒜茸炒椰菜花飯

芝士焗豬扒

腰果雞丁喺爸爸最愛，他話西日每日必食的餸

咸蛋蒸肉餅喺媽咪想食的其中一個早餐飯

咕嚕肉上枱還好脆，她們最愛一星期最少食一次

豆腐炒肉碎最愛好餸飯

芝士好似肉，媽咪最喜歡配西蘭花

咸咸哋幾特別，切細片煎香後炒咩嘢都得

媽咪最愛小丸子，呢個喺紅棗木瓜小丸子