時間過得好快今日剛一個月，咁啱呢個媽咪生日，個爸爸昨晚就同我講老婆明天生日，咁我當然要識做就整咗個芝士蛋糕比個媽咪祝她生日快樂，健康，生活無優幸福過一生，又喺晨早搞掂家中各人的早餐同午餐盒，自己食啲嘢就出門，因為路途遠都預個半鐘出門，今早專登早些少可惜上咗巴士中途壞車又要等第二班，上咗另一方間去到隧道有壞車又大塞，搞到十點先到雖然都喺早咗15分鐘，但時間就好趕，個媽咪早餐唔食飯等我去到先睇下想食咩就立即整，又跟埋阿仔後先開始準備炒米茶，沖涼洗手薑水，午餐開始飲的湯，燉湯同午餐，每日都好彩BB好醒目知我唔想出就瞓咗覺好趕雖然有姐姐但她都好忙做清潔，所以我都喺自己搞掂，一返去就做到收工每晚都唔會準5點半走，最早都6點三後，阿仔知我收工都唔想我走，好多時5點半先開始扭，準備埋晚餐餸，基本煮好，只喺個菜比姐姐開飯時煮，其它就返熱，今日午餐唔洗煮，2公婆出去食回來食下午茶，本來要帶BB 出去我就要跟埋，好彩BB 瞓咗咁我就唔洗一齊出，晚餐媽咪想食butter chicken 搵埋菜譜比我整，還欠3樣香料，但媽咪話都好味，之後突然想食蘋果批，最後整咗apple crumble, 唔洗一個鐘有得食開心到個媽咪不停同老公講，我好勁諗住要搞好耐要等到晚餐先有得食，估唔到隔一陣就有得食，下午茶都喺甜品紫米小丸子又喺媽咪最愛食唔停，開開心心又一日
送比媽咪的芝士蛋糕，BB 爸爸忍唔住話比老婆睇咗可以些食
晚餐的butter chicken
之前其中一日的小龍飽
沒有留言:
發佈留言