無啦啦多咗2日假，做咗6年陪月都未試過，以為個風無咁快，星期2晚老公放工要趕幫阿囡攞嘢買唔到菜見夠就算，因為細女1號就飛台灣去差唔多一個月，星期三晚老公收工未到6點話買唔到菜都唔知咩嘢事，我放工就喺附近超市見到有椰菜好彩買咗2個同包娃娃菜，星期四晚就更加咩嘢都買唔到，我放工又喺附近果間睇人山人海，菜架都喺空空如也，回到家超市聽啲收銀講中午都已經清哂好誇，自己又唔醒目早上買菜應該順便買，好彩都預咗啲菜同一個湯比媽咪第二日，咁喺超市就買咗啲點心同凍肉，阿囡話想食雞煲，都係空空如也，好彩買咗包雞翼都係最後一包，呢2日一家都無出門，清冰箱菜就慳啲食，星期五掛咗8號原全無事，無風又無雨就喺度等落波準備隨時返，最怕就喺咁又估唔到晚間掛十號後就真係好勁，家樓下的大樹都斷咗已經幾十年，呢個風真係好勁睇新聞先知好多地方水浸，星期六一早又起身睇幾時落又等隨時返，之前話中午老公都要返就無再去瞓準備隨時各自返，點知等到十點幾11點又話4：20前先改3號咁就真係唔洗返，平安度過2日但都無好好休息，因為等隨時落波就要返，媽咪專登同我講姐姐星期六無休改星期日，我提議媽咪叫姐姐放星期一咁星期日就有人幫手，我剛約咗人所以返唔到去，終於確實唔洗返就安心在家執下嘢，細女出唔到門，機票又改唔到最後補錢改風後先走，因為免費改要去到好後無時間
打風的第一個午餐
昨晚淨的麵煎一煎變薄餅
晚餐
菜要慳著食加啲丸加2塊紫菜又搞掂
無雞用雞翼都可整麻辣雞滿足2個女
第二日的午餐又係粥
瑤柱粥
香蒜蘑菇炒意粉
還有幾包點心今次用嚟煎一煎
有個好煎pan 煎一煎又另一種食法
9月2號晚的晚餐
冰箱儲起都可以好豐富
煎三文魚
黑椒雞軟骨
菜唔夠加多礶草菇就豐富好多
有包元貝加啲蒜茸同粉絲蒸一蒸又一個好味餸
開礶忌廉湯加只蛋加些少蘑菇喺阿女最愛要配飯
有時間就整定個包
沒有留言:
發佈留言