過2日又到中秋，在這預祝大家有個開心愉快的中秋節，今年疫情下感到時間過得好快，忙碌再加上憂心就到9月尾，休息咗差唔多10日都唔知忙咩，今日難得自己在家諗住清理一下，突然大女WhatsApp話有個朋友想上嚟晚餐可唔可以，自從2月到而家都唔咁招呼親朋戚友到家一聚，大家都好擔心，一班好同學每個月的聚會都因為疫情都未見過，而家疫情減退又休息先有約人出去飲茶同食飯都係2-3人，朋友仔好想嚟又就到中秋當然無問題，人少少都應該唔怕，有客人又唔可以是旦就出去睇下有咩嘢，樣樣買啲又回家準備，朋友仔好客氣買咗壽司同湯丸，飯後煮咗個紅豆雪燕桃膠芝麻湯丸同食月餅，開開心心又一餐
沒有留言:
發佈留言