時間過得好快又星期日，呢個星期都好忙，雖然多咗個新工人，但完全好唔掂，洗奶樽咁簡單的工作同蒸完後砌返都做咗3-4日都搞唔掂，媽咪還叫我教她餵奶，沖涼我都怕咗她，最好笑洗衫都應該之前會做過的，媽咪要求手洗BB衫都喺好正常，我哋都會如果媽咪要求，點知洗完扭唔乾又唔用盤裝好出去露台，就咁滴住水行出去，我見到立即叫她行返轉頭，全部扭一次比她睇，她話已扭過，我就教她做一次，總之做嘢好優悠，每樣嘢經她手可以成個鐘，做到好忙咁真係自己做好過比她做，但都無法都係要比她做到得，睇下個媽咪想點我都係盡力協助，今日雖然休息但都好早起身，約咗出年4月的媽咪傾，所以都早起同老公簡單食咗早餐，清潔一下搞掂就出門，今早無諗過整午餐因為12點左右就要出門，點知大女起身問有咩食，我話要出門無準備，她就話今日無約人專登在家陪我，咁就煲個皮蛋雞粥同炒個麵比她們後出門，順便買餸回家煮，又話想食韓式壽司可以自己，叫我買火腿，醃咗的蘿蔔同蟹柳...等需要的物料，放假就可以點整都得，但返工就無咩時間簡單一煲過或外賣就算，同個媽咪傾完就幫而家個媽咪買咗啲中藥，還有個多星期就完工，希望媽咪繼續補有工人幫手，就準備好等她們容易處理只係加雞或肉去燉就可以，買齊嘢就回家，阿囡又話日式义燒拉麵，無日式义燒改用雞扒同元貝鹵蛋加個菜又開餐
沒有留言:
發佈留言