2月尾開工後都無時間，而且疫情關係都有大半年無出外食嘢，剛完工等9月尾媽媽生完就開工，今日老公又休息疫情好似無咁嚴重，好多都重開，早幾日收到園林閣自助餐特價，午餐$180一個全包，就同老公出去試下，雖然可以4人同餐，2個囡都要做嘢所以就只有我同老公去試下，人唔多位都好鬆動，食物就一般有湯，熱盤，車仔麵同有幾款魚生，壽司，甜品同生果，呢個特價錢當然無特別貴價嘢食，但就坐得舒服，人又唔多，同老公邊食邊傾享受一下咁舒適的環境，時間真係過得快轉眼又叫我們埋單，食完本想同老公去睇電話，最後去到永安睇咗張按摩椅就無啦啦買咗，買嘢就喺咁阿囡睇好耐都買唔到合我們心的，一喺太大放唔落一喺太貴唔想她們浪費，今次我哋一出去無啦啦就買咗，買完因為送咗啲優惠卷好快到期，諗住唔會再專登出去，就順便睇下有咩嘢買順便買，點知又買咗好多搞到唔可以周圍行太重就直接回家，買嘢就最開心回家已經6點幾，我同老公就食得太飽唔洗晚餐，二個囡又食完先返，咁就準備明日的早，午餐，輕輕鬆鬆又一日
沒有留言:
發佈留言