晚餐之豉汁蒸排骨拌陳村粉

今日都喺休息本來約咗去個媽媽度，突然有啲事就改遲啲再去，在家無所事事清潔一下就出去買餸，放假就要煮下，唔好餐餐一煲過或外賣，清下冰箱發現有發咗花膠就用些少排骨滾咗個湯，食時加入花膠滾一滾就搞掂，成日都會雲耳大蝦乾煮絲瓜比啲媽咪食，自己家就好少煮，今日見絲瓜好靚又買條炒炒，估唔到個個都喜歡，大囡話唔想食飯就買咗半斤陳村粉同排骨，簡單用蒜頭，薑，豆豉炒一炒開咗個豉汁醬加入排骨撈勻加多只指天椒就惹味啲，老公又斬咗半只鹵鴨，聽同事講呢個好出名就一試，味道都唔錯，但都係感覺咸咗啲，啲囡就好怕，感覺每個星期都食，哈哈哈