咁快又星期六啦，今日老公要返工又一早起來準備早餐同午餐盒後又一睡，9點幾起跟住又整咗豐富早餐比大女食完返工，午餐約咗家姐同妹妹出去，食完嘢行一陣就買餸回家，家附近的街市返新後都未行過就同家姐去行下，行過新開的凍肉檔，家姐話有他買開比孫仔食的肉，以後唔洗專登訂，可以食幾多買幾多，又介紹王子雞無激素細只價錢唔貴，我就買2只，家姐今晚唔洗煮買咗只就算，如果好食就隨時再買，今晚就先用一只簡單用薑蔥蒸，先可以試下真味道，早二日又發咗花膠煲落湯先出門，今晚又齊人買咗條泥猛用果皮蒸，好多時都會買嚟蒸比媽咪食，今次喺自己第一次食，都幾好味，啲肉蒸得剛好好滑，老公都話好食，下次可以再買，炒菜加多個海鮮炒蛋又開飯
皇子雞
女兒今早可以遲出門就整咗早餐食飽先出去
杯咖啡出嚟後見到個圖案好得意
沒有留言:
發佈留言