今日放假第二日都係一早起身煮早餐，準備午餐盒後就再去瞓一陣，而家個個正常工作時間，老公都要6點半出門，所以5點幾就要起身準備，搞掂哂個個出門都喺7點半左右，唔洗返工就瞓多陣，約咗老師食午餐因為疫情關係都差唔多成年無見，9點幾又起身整格仔餅，因為她的孫女好喜歡有提子的，再整個蛋糕比老師二公婆，她們最愛的班蘭味同帶咗些鳥結糖，早前老師話身體唔舒服，開始少做麵包又知我喜歡唔想浪費叫我帶回家用，當時部機還可用點知第二日部麵包機就突然唔工作，搞到呢排都係手搓無得預較時間去做，今日終於去攞個麵包機回來又可以唔洗手搓，回家第一時間就試用，唔知喺心理還是點，只係用簡單料先試白麵包，做出嚟好軟綿，比起我之前2部都軟綿好多，還有可以做好多唔同的做法，雖然我以前2部都可以，但通常都係原個出或者做麵團，而家放假有時間就可多試下，今晚只係簡單煮因為部機太重直接回家了，叫老公買菜同買肉回來煮麵就算，啲囡又話好想食手卷咁好彩家中還有料就做咗給她們2個再加多煲燒鴨烏冬，簡簡單單又一餐
送給老師的自家制蛋糕，糖同格仔餅
出爐都好靚
沒有留言:
發佈留言