年初四的晚餐

話咁快放完三日假，今日開工喺到同要開工的同學，blog友同其它朋友開工大吉，事事順利，我轉咗呢行頭尾三年湊過20個媽媽以上，連續三年過年都要開工，我哋呢行就喺初一到初三開工要雙計，如果唔開工都有糧出，咁過年果幾日就要睇下有冇人幫手，或者她們自己搞唔搞得掂，而我通常就幫她們預好哂三日湯同三日的早，午晚餐，因為我都唔想她們比多呢幾日錢我，今年都喺一樣但我就只準備4日早餐，其它有婆婆搞掂，我湊咁耐，感到最慘喺呢個媽媽，她的媽媽好似好錫她，但自己都坐過月，我唔清楚她怎樣，但我就未試過之前都有婆婆或奶奶，個個都真心好錫，問我邊啲食得，邊啲唔食得好信任，怕唔夠會買好多，一定要新鮮，剛長沙灣完那個阿婆更好，日日都要我買只新鮮雞，她女兒有好多嘢唔食，身體還未復原，我就話每日買條新鮮鰂魚煮碗魚湯可以補虛，她們就話辛苦我，其實喺我的工作，我轉呢行喺希望每個媽咪可以補好身體，bb個個都健康，餵人奶的差唔多個個都全人奶，我湊咁耐個個bb滿月最少重0.8而最重有2kg, 而媽咪就精神包滿，面色紅潤，記得有次差唔多完工帶bb同媽咪去接她大仔放學，好多見到她都話唔似生完咁快收身，面色又好，媽咪好客氣不停讚我，有啲媽咪還問我攞定電話有就立即搵我，聽到都開心啦，但今次真係做唔到，呢個阿婆樣樣要自己做，日日搵嘢嚟搞，樣樣都不滿，我都唔想個媽咪難做，樣樣照做，但就更慘今日先大年初四，買咗盒百幾蚊的朱古力同她講好說話無反應行咗去，之後我問媽咪的身體，她就出嚟叫我細聲，唔需要咁大聲，bb要瞓，她女婿要瞓，過咗初三啦還想應下節，想搵嘢嘈，之後叫我斬雞，切肉等她醃，總之就喺阿四，餵完奶寫時間由我開工第一日就喺咁做，放完幾日假呢個阿婆就更利害，話我唔應寫開始食的時間，要寫飲完的時間，我同她講她好橫盲話她做得好啱叫我唔好打亂她們，我話好你想點我就跟做，其實唔係怕她，原來呢幾日呢個阿婆覺得可以自己搞掂哂，覺得我喺多餘原來嘈咗幾日，搞到呢個媽咪日日喺到咸，坐月千奇唔好咸老咗就好容易眼唔好，由我返工第一日接觸就知呢個阿婆好煩，一個所謂快餐廳的大廚以為自己咩嘢都食煮，我做咗三日按摩個媽咪先可以好快全人奶，可惜對呢個婆婆唔覺得喺咩，無就飲奶粉，生完頭二日食粥，但回家早餐都係粥，呢個媽咪好錫她媽媽，所以從來無反對，但我就唔理照準備飯料比工人叫她早上煲飯，婆婆自然多說話她們食開粥，我就講女兒食飯覺得好好，只有早餐，炒米茶同燉湯好正常因我自己跟，但其它就無得講，調味雞粉，雞汁，最好笑我燉的湯無味要阿囡加鹽先飲，話加鹽先有啲味，真係做慣出邊快餐店喺唔同啲，椰子雞湯更好笑，開完椰子的水話唔要，她用雞湯去煲唔需要，我真唔明自己在家煮點解還樣樣加呢啲，回家喺想食無味精的食物，用冰鮮雞去煲都應該好過二包雞湯掛，午餐無定時話唔需要叫她起，等她起先去煮半個鍾攪掂，連菜今日都唔洗我準備，最好笑同工人一齊食，我攞公筷無人會用，只有我自己用，其實真的好唔慣，睇住她們筷子到的地方我都唔會到，所以都係食些少飯好快就食完個午餐，今日叫我只係斬咗雞切咗肉同冬菇，到差唔多點半就入廚房，見她邊煮邊整，講真我都唔太咁食，菜無浸都唔知是否沖沖水就算，切咗啲肉無煮，只見喺年三十的豬手切片去煎同三十的咸肉去炒三色椒，做開出面的可能唔同啲，每餐無論3－5人食都會5－6大碟餸喺我平時家的二份，我老公就話我煮到好似大牌檔大大碟，我無機會影相如果唔係就要比老公知咩嘢喺大牌檔啦，但而家都唔會，樣樣都係細細碟，我話煲湯她話今晚先，咁我喜歡每餐飯都有湯，就將燉湯加多些少早啲燉趕午餐有得飲，她又不滿我都費事理，知我下午茶再飲就叫我唔好整小食，搞到她女兒晚餐食唔到，其實喺她因仔回來要早食，個媽咪都話夜晚會好肚餓，但我只有做些少麵包晚上她肚餓有得食，有啲人怕請到唔做嘢的陪月，但我就第一次見唔想陪月做咁多，還是咩嘢原因，真係好唔明，下午同bb沖完涼平時工人姐姐會收嘢，她專登叫工人唔好搞，我準備餵奶時她就叫我清咗沖涼嘢先，好我放低bb去搞，跟住餵奶她就同我講餵完無嘢做去洗bb衫，個工人好忙唔得閒做，好無問題又唔係未做過，做唔死的，只覺好好笑好似惡家婆對心抱，只覺她女兒好慘無足夠湯水，食隔夜餸菜，雞粉雞汁紙包雞湯，我做咁耐啲媽媽從來唔會食隔餐夜餸何況隔夜，只有頭幾日未知食量，大家講清楚就剛剛好，只有飲唔哂啲湯夜啲或有啲專登留第二日早上飲，我都教她們留湯唔留搾就比較好，真係希望好快完，唔想個媽咪比她媽日嘈夜嘈覺到唔開心，記得幼稚園校長同我講如果要繼續喺呢個環境工作就要跟呢個level的人一樣，我就真係做唔到，大聲明明唔啱都覺自己無問題，最後只做咗一年就轉陪月呢行，真係估唔到又有呢啲小人，可能自己搵唔到唔舍得比人，覺得比咁多錢請唔抵，她咩嘢都做到真好笑，我喺一個好專業好有學識不停update的人，所以唔會同呢啲小人一般見識，只係唔開心幫唔到呢個媽媽，真係做咗耐第一次，煩事都有第一次，但最開心就係好快已經全人奶，繼續努力完成加油加油，今晚老公煮我返到去7點半就有飯食，雖然做得幾唔開心，一回家同家人食飯一邊傾一邊食就係最開心的時刻