假日早午餐之肉絲煎麵

又星期日啦想瞓晏啲，但好自然都醒，最後9點幾都起身去買嘢煮，二個囡都唔洗出去，想食粥同炒麵咁就買咗料返去整豐富的早午餐，啲囡起身見到好開心，誇張講嘩我生日嗎？，我就話平時好差嗎？是實上這幾個月都好忙，有時晚上出去晚餐的時間多咗，星期日各有各忙都好少整完一齊食，今日又好開心大家一邊食一邊傾講
有個朋友好喜歡食肉絲麵但覺出面食都好油，問我可以點煮，其實有個昜潔鑊就可以，通常出面成餅炸，自己就可以用易潔鑊用水同些少油慢煮就做到效果，叫我可以就做一次比她，咁又講下

 皮蛋咸肉粥

 西芹排骨炒麵

 5蚊自己買回來蒸完加醬料

 新年還食淨幾件，今日就清埋

 肉絲煎麵，脆脆的麵個個都喜歡

先將麵餅用滾水整散，豬肉切絲用豉油，糖同生粉簡單醃一醃，牙菜洗淨，蔥切段

 先將麵放入鑊加些少水同油

 將麵盡量整圓，水收麵底感到硬就可反轉

反轉另一面又加些水收水見金黃就可以

 先將煎好的麵放入碟

 將肉放入鑊煎到二邊金黃同熟

 就加入牙菜炒勻調味

 最後放入蔥炒勻就可放入麵面