豐富晚餐同班同學提早迎人日

又到咗星期日，今日好忙約咗班同學上嚟團拜通常食完晚餐先走，昨晚無煮同老公食完就去咗超市買部份嘢，一早準備好湯料就煲咗椰子雞湯，下午去老豆到都可以有得飲，跟住整包，炆定個發菜冬菇豬手，今次無加蠔豉有同學唔食，搞掂啲嘢就出門去老豆到，雖然老豆已經94歲仍然好叻，每個星期日換好衫等我哋過去飲茶，每次老豆都好開心，今次剛初二食完開年飯，家姐，細妹出哂去玩，只有我同老公去飲，老豆就問點解咁少人但一樣咁食得同開心，飲完帶老豆回家就自己都回去買魚同蝦，過年真係好貴，蝦要$140蚊一斤，呢個過年老公買餸多，成日話好貴，真的好貴連豆腐都要$5件，而家喺超市買多都唔知加咗咁多，買完回家準備唔知咩嘢事無啦啦切咗手指啲肉，跟住見到啲菜紅色先發現，叫老公幫手怕嚇親啲同學，點知貼咗三塊膠布都無用不停留，最後老公搵到指奪，喺以前做幼稚園要我準備的安全準備，當時都唔知有咩用，而家就知有個指套成住就無再溜出嚟，老公就立即叫我唔好搞幫我整，咁就一邊教老公一邊整，我班同學唔知發生咩事話唔好意思搞到我哋二公婆都咁忙，其實都無咩嘢，已經煲好湯，煮幾個菜，焗雞蒸魚煮蝦就開飯，大家開開心心一邊傾一邊食，開開心心，話明天人日就提早個個生日快樂，過咗開心愉快的一晚

真材實料的椰子鮮螺頭雞湯，啲同學唔飲酒都要飲多二碗

 螺片炒菜心

 冬菇豆腐雲耳煲

 西芹炒腰果，果仁

 清蒸石班

 發菜冬菇炆豬手

呢個象拔蚌，海參雞肉炒西蘭花，而家超市好方便有急凍象拔蚌同發好的海參，海參就貴咗啲，二只都差唔多一百蚊，反而象拔蚌平，老公就怕喺假，但啲同學就話無問題好好味

 呢個香草雞喺美國同學帶回來給我，今晚個個有機會一試

呢張蝦就真係影得差，個個都話好鮮甜好好食

 其中一個同學買嚟加餸話好餸酒，但今晚無人飲話留肚飲多二碗湯

 同學最喜歡的芝麻椰絲同雞尾包

 出門前唔記得換咗去，唯有喺車到換咗加指套

估唔到無咗咁多都唔覺痛，今早已無事