晚餐之香煎三文魚

時間過得好快又星期日，呢個星期都好似好忙好攰，每日7點幾出門，每晚最早都7點半先返到去超市買完回家已經8點幾好簡單煮個麵同老公食，如果啲囡返就多數去味皇，呢個幾月只有星期六老公休息或星期日先會煮下正常的餐，今早又係好早起，因明天年30好多嘢都未準備，先去買料煲湯，街市已經人山人海好熱鬧，買定明天，後天些少餸菜最後大部份都喺去超市買，實在貴好多，我又習慣唔同人迫，搞掂好部份嘢就出老豆到，每個星期日的例牌節目，飲完茶就同老公再去超市買些少糖果同瓜子入糖果盒，諗住都無咩人嚟唔搞，阿妹就話叫我買等她可以攞些少回家放下全盒有啲慶份，咁就買些少，又講下呢份新工，有工人又有阿媽幫，喺好得閒，記得頭二日，想整些少嘢，第三日一早回去，她媽就同我講數，話我唔清楚她家的習慣，她是大廚我只要講要煮咩就可以，叫我配合唔需要搞，她的工人清楚她的做法，只有個下午她出去就叫我搞掂，星期六工人休息我就主動出聲幫手，叫她講我跟做，最好笑啲菜炒完，食時阿囡話太老有搾，她就說我唔跟她炒法所以老哂，我都費事出聲隨她講，只覺好笑，菜唔靚或老就會咁，個工人好好怕我做唔切，一早我收工前就回來，之前叫我唔洗做，啲嘢等她回來先做，到她回來我話已做好，只安排她幫我明天煲早飯同沖炒米茶，連綿花都剪好一大袋，我自己的工作當然自己做，她還要做清潔見她都好忙，因為我教識她好多嘢所以她好好，好開心好幫手，我同她講等我完工她就更忙，所以而家可以輕鬆下，我事事順婆婆的意思做，而家她都無企咁硬，覺得好滿意還跟我講工人好差做得唔好又懶，但我就覺得工人做得好好，每人要求都唔同，我覺得做到唔太離譜就可以，任何人都一樣做做下自然就懶都喺正常，今晚無買魚因為實在太貴無必要，喺超市買咗二包三文魚都喺$80左右，開一包去煎啲囡就話好食，細妹會食生，試下覺得好腥無食，煮咗豉油蝦喺細妹最愛，炒個雞軟骨就二個囡最雞話太耐無食，而老公就有自己鹵的鴨件，開開心心又一餐