情人節的晚餐

今日情人節先祝大家情人節快樂，今日如常整早餐，午餐盒就出門，放工有老公幫手買餸，回家只係買咗只雞，本來得我同老公食諗住是旦或落味皇，細囡話可以回來同我哋食，咁就買只雞簡單整咗少辣麻辣雞煲再打邊爐，買咗烏冬同米線，最後只係食咗雞同菜，因為隔離屋話今日話鄉下規矩今日點燈會整菜茶，叫我過去食，但無時間她好有心，晚上專登攞過嚟，喺將好多種菜炒熟，炒香的花生，蝦仔同整熟粉絲，米通跟住煲一煲豬骨湯，將所有料撈勻加湯就食得，我真係第一次都好好食，我問她是咩鄉下會咁，原來喺汕尾，阿囡同老公只係試些少，我就唯有自己食埋最後自己就淨好多嘢，好特別的情人節晚餐

整咗少辣的雞，個個都啱食

釀咗豆卜又煎咗，食完雞加湯打邊爐加入吸咗湯就好好味，順便煎香啲鯇魚

將所有料放入碗

加啲豬骨湯

加要立即食，唔係啲米就脹哂唔好食

隔離屋攞過嚟是她們家鄉今日必食的賀年菜的菜茶，我還以為喺咩嘢菜整乾後沖的茶，真係大鄉里，哈哈哈

呢碗喺用豬骨煮成的湯有啲油

 如果有過去可能就可以分開影

 原來出面有得賣

今晚啲花開得好靚同大家分享，我最喜愛這簡單的組合，粉紅玫瑰加滿天星同無忘我